Жуырда «ҚазАқпарат» баспасынан қазіргі қазақ прозасының белді өкілі, жазушы-драматург Рахымжан Отарбаевтың көркем шығармалар жинағы орыс тілінде жарық көрді.

Кітапқа қаламгердің кезінде жоғары баға алған «Мона Лиза», «Қыр мозаикалары», «Актриса» сынды әңгімелерімен қоса, «Дүние ғайып», «Шыңғыс ханның көз жасы» сияқты хикаяттары енген-ді. Таңдамалыға қазіргі заман оқырманының көкейіндегі сұрақтарға жауап іздейтін туындылар топтастырылған. Қаламгер Жер-дүниенің жартысын аралап, түйген ойын қағаз бетіне түсіріп, жұрт назарына ұсынуды жөн көрген.