Алматы қаласында көрнекті қоғам қайраткері, жазушы, батыл редактор әрі баспагер Нұрмахан Оразбек тұрған үй мен ұзақ жыл қызмет еткен «Қазақстан» баспасы ғимаратына ескерткіш тақта орнатылды. Бұл – ұлт руханиятына сүбелі үлес
қосқан қайсар тұлғаның еңбегіне деген лайықты құрметтің белгісі.

Іс-шараға қазақ руханияты мен әде­бие­тінің белгілі өкілдері, журналистер мен қоғам қайраткерлері қатысты. Атап айт­қанда, Қазақстанның еңбек сіңірген қайраткері, Қазақстан Жазушылар одағы Басқармасы төрағасының орынбасары, ақын Қасымхан Бегманов, халық жазушысы Бексұлтан Нұржеке-ұлы, ҚР Мәжіліс депутаты Қазыбек Иса, белгілі журналист Мамадияр Жақып, жазушы Өскенбай Құлатайұлы, «Таңшолпан» журна­лының бас редакторы Нұрлыбек Саматұлы, Қызылордадан арнайы келген журналист, жазушы Нұрмахан Елтай, журналист Қараша Қараман қатысты.
Нұрмахан Оразбек – ел мүддесін бәрінен биік қойған, әділеттілік пен қара­пайымдылықты ту еткен тұлға. Прези­денттермен тең тілдесіп, минис­тр­лер­мен есімін атап сөйлескен өр мінезі оның рухани биігін танытты. Қалам­гер достары – Әбіш Кекілбаев, Қадыр Мырза Әлі, Мұхтар Мағауин, Оразбек Сәрсенбаев секілді ірі тұлғалар оны ерекше бағалаған. Ол білім мен парасаттың, тазалық пен адалдықтың символы болды.
Ескерткіш тақтаның ашылуы – Нұрма­хан Оразбекұлының ұлт алдындағы ең­бегі­нің ескерусіз қалмағанының айғағы. Рә­сім­нен кейін жазушының рухына арнап ас берілді.