Белгілі жазушы, публицист, халықаралық «Алаш» әдеби сыйлығының, «Құрмет» орденінің иегері, Алматы облысының Құрметті азаматы Төлен Қаупынбайұлының Алматы қаласындағы тұрған үйіне мемориалдық тақта орнатылды.

Ескерткіш тақтаның ашылу рәсіміне қаламгердің туған-туыстары, әріптестері, журналистер мен жазушы қауым қатысты. Шара тізгінін Қазақс­тан Жазушылар одағы Басқарма төрағасы­ның орынбасары Бейбіт Сарыбай ұстады.
Шара барысында ақын, Қазақ­стан Жазушылар одағы Басқармасының хатшысы «Қазақ әдебиеті» газетінің бас редакторы Бауыржан Жақып, жазушы, Мемлекеттік сыйлықтың иегері Бексұлтан Нұржеке-ұлы, ақын, Мемлекеттік сыйлықтың иегері Ұлықбек Есдәулет бастаған азаматтар Төлен Қаупын­байұлы туралы естеліктер айтып, оның шығармашылығы мен азамат­тық қайраткерлігіне тоқталды.