Қазақстанның Еңбек Ері, Мемлекеттік сыйлықтың лауреаты, жазушы-драматург Әкім Тарази тұрған үйге ескерткіш тақта орнатылды.

Ескерткіш тақтаны ашу рәсіміне мемлекет және қоғам қайраткерлері, қаламгерлер қауымы және жазушының туыстары қатысты. Аталған шара
К.Байсейітова атындағы Қазақ ұлттық өнер университетінде жалғасын тапты. Университет қабырғасында ресми түрде «Әкім Тарази  атындағы Мәжіліс залы» ашылды. Салтанатты шарадан соң аталмыш Мәжіліс залында дөңгелек үстел өтті. Жиынға қатысқандарға жазушының жары, драматург Абай атындағы Мемлекеттік сыйлықтың
лауреаты Роза Қажығалымқызы арнайы алғысын білдірді.