Нарбатыр ҚАСҚЫРБАЙ
ЖАЛҒЫЗ ТЫРНА
Есімде жоқ, арғы жыл ма, былтыр ма,
Үздік-үздік басып мұңлы сұңқылға, –
Қарашада Қаратауды бетке алып
Ұшып бара жатқан еді бір тырна.
Жалғыз тырна, үні қандай зарлы еді?!
Қарашаның күні сондай зәрлі еді.
Қара жерден қарап тұрдым мен оған
Бір Құдайдың тисе деумен жәрдемі.
Жалғыз қалу – бұл тірлікте қорлық іс,
Күресу – шарт, қалғанынша соңғы күш.
Бар арманын зарлы әуенге сыйдырған,
Қанша жерге барар екен сорлы құс?
Қабағынан қар жауардай ауа сыз,
Көкте ұшқан жалғыз тырна – шарасыз,
Жалғыз ноқат бара жатты аспанда,
Қараша айы, қараша өмір, қара күз..
ТУҒАН КҮН
Е, Қарлыға, Құдай қосқан Қарлыға,
Бай да емеспіз және тақыр жарлы да.
Қарашаның қапталына ілесіп,
Мен туған күн келе жатыр алдыда.
Туған күні бар досқа ашып есікті,
Солармен сан бөліп таттық несіпті.
Атап өттік қаншама рет қатырып,
Бірақ содан ойлап тұрмын не шықты?
Таңырқасып бас шайқасқан «пай-пайдан»
Шаршап біттім төгілген ән-айқайдан.
Маған арнап табыс қанша тіленді,
Сол табысқа жеттім бе мен, әй, қайдам?..
Шақырмай-ақ қоялық дос-құрбыны,
Кінәратқа жатқызады кім мұны?
Тамашаның жоғын жоқтап өтер де
Қарашаның азар болса бір күні.
Е, Қарлыға, Құдай қосқан Қарлыға,
Ұқсата алмай жүрміз кейде барды да.
Туған күнді тойлап өту түк емес,
Не өмір тұр бізді тосып алдыда?!
Каламыныз уштала берсін ага, керемет
Тыңдарманын жылқыдай жусатып,қазақтың қара сөзін қойдай өргізген,өлеңі өңменіңнен өтіп,жүрекке төте жол салатын-Қасқырбай ағам!
Керемет жырлар!
Қасекең-керемет ақын, керемет адам. Адамгершілігі жоғары, жүрегі бар ақын.
Тамаша!
Мықты!
,Уа,Қасеке,тұла бойың байтақ ән, Жалын жырың көк аспанды шайқаған. Жүзге дейін жырлай берсін жүрегің.Сіздей ақын Қазақта туылмайды қайтадан.
Қасқырбай ағам біреу ақ,басқа бұндай кісі туылмайтын шығар.Менің ел ішінде жүріп той басқарып,халық қошеметіне бөленіп жүргенім бірінші АЛЛА екінші Қасекеңнің арқасы.Ғұрыңыз ұзақ болсын көке.
Қымбатты Қасеке! Жоғарыда айтылған пікірлерге қосыламын. Шынайы жүректен шыққан туынды. Лəйым Алла Тағалам жаман тіл-көзден сақтап, арамызда мақтанышымыз болып жүре беруіңізге тілектеспін!
Алла разы болсын сізге Барлық жақсылықты жанұяңызға тілеймін
Жырларыңның басылмасын тасқыны
Айта аласыз тəттіні де аштыны
Абыройың арта берсін биіктеп
Жүз жасасын қара өлеңнің қасқыры
Қасқырбай аға, қаламыңыз мұқалмасын! Қарапайымдылыққа қанат байлап, қара өлеңге жан бітірген шабытыңыз бен өнеріңіз бағалана берсін!
Қасқырбай аға, қаламыңыз қарымды жырларды жазуда мұқалмасын. Жалынды, жүректерге нұр құяр, сезімдерге жетелер жыр жолдарға толы өлеңдеріңіз жарық көріп үзілмесін!
Жаксы керемет
Әғв керемет шумактар қаламыңыз ұштала берсін
керемет
Керемет өлең
Тамаша. Керемет
Қасеке, керемет жыр шумақтарыңыз. Қаламыңыз жиі ұшталып, әлі талай өлеңдерді жарыққа әкелетініңізге кәміл сенемін. Ұзақ жасап, бақыття ғұмыр кешіңіз.
Қасқырбай нарбатыр ағаға
Қасқырбай аға,жарайсыз!Жақсы жазылған.ШЫҒЫРМАШЫЛЫҚ ТАБЫСТАР ТІЛЕЙМІН!
Қасеке сіздің өлеңіңіз таза ауа жұтқандай араның ашылып тыңдай бергің келеді. Лайым әрдайым туындылар өмірге келе берсін. Тәңір қолдасын.
Өте керемет
"Қазақ әдебиеті" — Қазақстан Республикасының әдебиет, мәдениет және өнер газеті. Әр апта сайын, жұма күні шығады.
Газет 1934 жылдың 10 қаңтарынан бастап шыға бастады. «Қазақ әдебиеті» газеті — Қазақстан жазушылар одағының органы ретінде тұңғыш саны 1934 жылдың қаңтарында жарық көрген.
«Қазақ әдебиеті» - газетінің тарихы
Студия «Team28»