Жаңа швед Академиясы өз сайтында осы жылғы әдебиет бойынша балама (альтернативті) Нобель сыйлығына үміткер төрт жазушының есімін жариялады.

Олар: әлемге белгілі жазушылар – Харуки Мураками (Жапония) мен Нил Гейман (Англия) және аса таны­мал емес екі әйел жазушы – Мариз Кондэ (Франция) мен «Ru» атты тыр­на­қалды туындысымен әжептәуір оқырман жинап үлгерген Ким Тхуи (Вьетнам — Ка­нада). Үздік жазушыларды анықтау үшін 30 мыңнан аса адам дауыс берген. Жеңімпаздың аты-жөнін 12 қазан күні қазылар алқасы жариялайды. Ал салтанатты рәсім желтоқсанның 9-ында өтпек.