Талантқа тағзым
17.02.2017
1126
0

Респуб­ликалық зағип және нашар көретін азаматтарға арналған кітапханада­ ақиық ақын Мұқағали Мақатаевтың туған күніне орай поэзия кеші өтті.

Жыр кешіне ақындар: Кәдірбек Құ­ны­пия­ұлы, Төреғали Тәшенов, Талап Қа­­раш және Қазақстан Жазушылар одағының мүшесі Әбетхан Тоқтаған сынды зиялы қауым өкілдері қатысты.
Жиын барысында «Талантқа тағзым» ат­ты кітап көрмесі ұйымдастырылды. Сон­дай-ақ, кешке жиналған өлеңсүйер қауым Шыңжаңдағы қазақ қаламгері Нұр­лан Сәрсенбаевтың «Мұқағали ке­руені» атты ақынның шыққан топырағы, ата-тегі туралы арыдан сыр шертетін сиясы кеппеген жаңа туындысымен танысты.
Кеш барысында Болатхан Сыздықов, Гүлсая Даржанова, Гүлжамал Джураева және Абай атындағы Қазақ Ұлттық педагогикалық университетінің студент­тері Салтанат Әкімбек пен Бағдат Қажиева және оқырмандар Назым Момбекова, Фариза Бахытова, Мәдениет үйінен Азамат пен Әспеткүл Айтжановтар Мұқағали Мақатаевтың шығармашылығынан өлең­дер оқып, әндер орындап, зор қошеметке ие болды.

ПІКІР ҚОСУ