Тәуелсіздікке тағзым
25.11.2016
1040
0

Апта басында Алматы қаласы Түрксіб ауданындағы №11 жалпы білім беретін мектепте Ел Тәуелсіздігінің 25 жылдық мерейтойына орай 9-10 сынып оқушыларымен «Қазақстан Республикасының Конституциясы» атты тақырыпта «Дөңгелек үстел» өтті. Аталған жиынды осы мектептің тарих пәнінің мұғалімі Жанар Асанбаева жүргізді.
«Дөңгелек үстелге» қатысушы оқушы­лар Ата заңымыз – ҚР Конституция­сы туралы толымды мағлұмат алды. Әсі­ресе, оқушылардың назары республика аза­маттарының, жекелеген тұлғалардың құ­қықтары мен бостандықтары мә­се­лесі төңірегіне көп ойысты. Олар Конс­титуция қабылданғаннан бері қан­дай өзгерістер енгізілді, оның Қа­зақстан жастарының отансүйгіштігін арттырудағы әсері жайлы кеңірек мәлі­мет алды. 9 «а» сынып оқушысы Алиса Ме­зенцева: «Конституция әлі халық үшін қызмет етуде. Қазақстан Конститу­циясы біздің жақын көршілеріміздің бас­тан кешірген қиыншылықтарына ұшы­ратпай, елімізді дұрыс бағытта алып келеді. Ширек ғасыр шеңберінде Қа­зақстан Орталық Азия аумағындағы тең тұрақты, жан-жақты дамыған елге айналды», – деп өзінің жүрекжарды пі­кірін жеткізді. Мектеп басшылығы мен оқушылар «Қазақстанның
25 жыл­дық тәуелсіздік тарихы билік пен қоғамның тұрақтылығына қол жет­кізген конституциялық модельдің дұ­рыс таңдалғанын көрсетті. Консти­туция мемлекеттің тәуелсіздігін ны­ғайтатын басты құрал болып табылады» деген тұжырыммен «Дөңгелек үстелді» аяқ­тады.

Кристина СМАГИНА,
№11 ЖББМ директордың тәрбие ісі жөніндегі орынбасары.

ПІКІР ҚОСУ