Жуырда Ұлттық Баспасөз клубында журналистерге арналған қалалық «Мың жасаған Алматы» байқауына арналған баспасөз мәслихаты өтті.

Шараға «Қазақ әдебиеті» газетінің Бас редакторы, жазушы Жұмабай Шаштайұлы, «Жерұйық» қоғамдық бірлестігінің жоба үйлестірушісі Болатбек Төлепберген және Алматы  қаласы  Ішкі  саясат Басқарма  басшысының орынбасары Серік Түймебаевтар қатысты. Аталмыш бәйге Ел Тәуелсіздігінің 25 жылдығын, шаһардың 1000 жылдығын және оның бүгінгі тыныс-тіршілігін на­сихаттау, журналистердің  шығармашылық әлеуетін арт­тыру, сондай-ақ, «Төртінші билік» өкілдерін Елбасы­ның 5 институционалдық реформасы – «Ұлт жоспары» мен «100 нақты қадамды» жүзеге асыру мақсатында ұйым­­­дастырылуда. 2016 жылдың 28 маусымынан 5 қыр­кү­йек аралығында эфирге шыққан материалдар, бағ­дар­ламалар циклі һәм түрлі жанрдағы жарияланымдар қабылданады. Жүлдегерлерді 8 номинация бойынша марапаттайды, яғни 1. үздік бейнесюжет,  2. үздік радиосюжет, 3. БАҚ-та­ғы үздік жарияланым, 4. ғаламтор-ре­сурс­тарындағы үздік жарияланым, 5. ақпараттық агент­тіктер ленталарында жариялданған үздік материал, 6. үздік фотоматериал, 7. үздік жас журналист және 8. үз­дік бло­гер. Байқау материалдары мына мекен-жай бо­йынша қабылданады: Алматы қаласы, Жандосов кө­шесі. 1\1 (Байзақов көше­сінің қиылысы), тел.: +7-7272-50-23-55, «Жерұйық» қоғам­дық бірлестігі, эл.пошта: jeruik.almaty@mail.ru.