ОЙЛАСУЫМЫЗ КЕРЕК
10.06.2016
1006
0

Мына ұлан-байтақ жерімізде бір шөкімдей ғана болып отырған қалыбымыздан енді-енді құтыла бастағанда, өз елімізде азшылықтан көп­шілікке айналғанымызға қуанышымыз қойнымызға тола бастағанда әскери үш ұланы­мызды, күзетшіні матқапыда өлтіріп кетіпті дегенді естігенде: Ұядай ұйып отырған ұлты­мыз­дың шырқын бұзу ниетімен жер астынан жік шығарып, екі құлағы тік шыққан бұл ла­ғынет атқырлар кімдер болды екен? – деп зы­ғырданым қайнағаны рас.

Тек Елбасының өз  аузынан Қазақстан хал­қы­на арнаған мәлімдемесін теледидардан ес­тігенімде ғана бойымды жинап, өзіме-өзім келе бас­тадым. Бұл төтенше оқиғадан баршамыз тиісті қорытынды жасауымыз керек деп ұйғар­дым.

Ұлы Абай: «Біріңді қазақ бірің дос, көрмесең істің бәрі бос» деген осы  ұлттық ұран іспетті ілімді біз жас ұлан жүрегіне жеткілікті сіңіріп жатырмыз ба? деген ой келеді. Ұлттық ұлан халқымыздың патшалық Ресейге қарсы бас көтерген Есет батыр көшесінде, «Паллада» қару-жарақ  дүкені  Кеңес Одағының Батыры Әлия Молдағұлова  көшесінде орналасқан. Осы хал­қы­мыздың мақтаныш­та­рының атын­дағы көше­лерде ұлттығымызға жаулық сағын­ған, сойқан­дық жасаған  аруақ атқырлар қайтіп, не себепті теріс жолға түскен? Патриот­тық, отан­шыл­дық тәрбие-тәлімімізде не кем­шілік жіберіп алдық.

Осыны да ойласуымыз керек.

Шериаздан ЕЛЕУКЕНОВ,
ҚР Мемлекеттік сыйлығының лауреаты.

 

ПІКІР ҚОСУ

Ваш адрес email не будет опубликован.

Пікір