Адамның адамдығын айқындайтын – оның рухы. Рухы мықты халықтың әр­қа­­шан күшті болатыны да содан. Әсіресе, ұлт­тың өзін-өзі сақтауында рухтың маңы­зы зор. Мен рухани құндылықтың көш­бас­шысы деп әдебиетті айтар ем. Ха­лықтың ты­ныс-тіршілігі мен болмысы кө­­рініс тап­қан халық ауыз әдебиетіміз – қай­­нар бұ­лақ. Шөлдеген адам әркез сол қай­­нар бұ­лақ­тан мейірі қанғанша ішуге ын­­тық. Абай туындылары тек қазаққа ғана емес, адам­затқа ортақ. Оны оқып өскен өс­келең ұр­пақта ұлы ойлар туады. Мұ­қа­ғалидың уа­қытпен тілдесіп, ғасырмен үндесетін тыл­сым жырларын оқыған жанның жүрегі нә­зіктене түседі. Мұхтар мен Ілиясты, Шер­хан мен Әбдіжәмілді, Әзілхан мен Та­хауиді оқыған жастың жүрегінде Отанына деген махаббат орнайтыны белгілі. Басқасын былай қойғанда, бір ғана «Абай жо­лының» өзі неге тұрады?! Ал қазақтың ән-күй өнері туралы әңгіме мүлде бөлек. Мы­салы, «Нар идірген» күйі аңызбен ас­тасып жатқанымен, онда ұлы шындық бар. Қазақтың әрбір әнінің, әрбір күйінің бір жыр-дастанға арқау боларлық тарихы бар. Бұл халқымыздың рухани кеңістігінің то­лық аңғартатын, ғасырлар бойы атадан ба­лаға мұра боп келген рухани қазынамыз, ұлттық мұрамыз. Қазақтың небір соқтық­палы-соқпақты жолдардан адаспай өтуіне де осы руханияттың әсері зор болғаны сөзсіз. Иә, руханият деп аталатын ұғымның өзі өте ауқымды емес пе? Діл мен тіл, әдет-ғұрып пен салт-сана – діңгегіміз.  Десек те, біздің басты байлығымыз – жастардың Тәуел­сіз ойы. Азат ойлы азаматтар жасаған ер­лігі – елдігіміздің дәлелі. Азат ұлттың – рухы биік! Бұрнағы әдебиеттегі орталық тақырып Тәуелсіздікті аңсау болса, бүгінгі әдебиет Тәуелсіздікті жырлайтын әдебиет. Бүгіндері әдеби қорымыз Тәуелсіздіктің мақ­тан еткен туындылармен толықты. Ал он­дай шығармалар жастарға үлкен күш-қуат, сенім береді. Егеменді елдің Туы, Ел­таң­басы, Әнұраны – рухымызды көте­ре­тін қастерлі дүниелер. Ал «алдыңғы тол­қын ағалардың» әр саладағы жетістігі мен әлем алдындағы беделіміз біз сияқты жас­тарға серпін береді. Бұл – асқақ рух пен тамырын тереңге тартқан рухания­ты­мыз­дың жемісі. «Мәңгілік Ел» идеясы бабаларымыз – Көктүріктер бастаған ұлы жос­пар­мен үндес екені ешкімге жасырып емес. Бұл Мемлекет басшысы Нұрсұлтан Назарбаев­тың басты назары тек қана экономика мен сая­сатта ғана емес, мәдениет пен руханият­қа да ауып тұратындығының  дәлелі. «Жұмы­ла көтерген жүк жеңіл» дегендей, біз осынау бастаманың қасынан табылуға тиіспіз. Сонда ғана өскен, дамыған мемлекет еке­ні­мізді көрсетеміз. Ендігі мақсат – бірлік пен сенімділікті серік етіп, алға қойып, ұлт­тық рухты асқақтату! Ол үшін не істе­мек керек? Ең алдымен біз қаны қазақ, жүрегі – Отаным, Елім, Тәуелсіздігім деп со­ғатын, ұлттық  дәстүрін бағалайтын пат­риот болуымыз қажет. Мәселен, Біржан сал мен Жиренше шешен, Балуан шолақ пен Асанқайғы сынды ұлылардың ұрпа­ғы­мыз. Соны ұмытпайық! Ол үшін рухани кеңіс­тігімізді тарылтып алмауымыз керек!

Сәндібек ПРЕНОВ,
№9 В.А.Савва атындағы орта мектебінің
11 сынып оқушысы.

 

ЖЕҢІС КҮНІН ЖАҚЫНДАТҚАНДАР!

Қан майданның қаһарынан қорықпай,

Өз міндетін атқарған бір толықтай.

Соғыс жылы есімізде тұрады,

Қарт майдангер ерліктерін ұмытпай.

 

Ардагерлер арқа сүйер панамыз,

Біз оларға әрқашан да баламыз.

Құрметтеуге, ұлықтауға  тұрады,

Жеңіс күнін жақындатқан бабамыз.

 

Жеңіс күні ұмытылмас жүректе,

Қайтқан кекті айтқан дұрыс бұл ретте.

Жеңіс күні, Жеңіс күні жасасын,

Туды тіккен Рейхстагқа күн есте!

Сымбат АБАТБАЙ,
Жамбыл облысы, Меркі ауданы
№9 В.А.Савва атындағы орта мектептің
8 сынып оқушысы.