Апта басында Қазақстан Жазушылар одағына чуваш қаламгерлері қонақ болып, әдеби-мәдени басқосу ұйымдастырылды. Басқарма төрағасы Мереке Құлкенов Чуваш Республикасы Жазушылар одағы төрағасының орынбасары Владимир Бахмисовты, Чуваш Республикасы Жазушылар одағының хатшысы Лариса Дмитриева мен Чуваш Республикасы Жазушылар одағының мүшелері Елизавета Долгованы, аудармашы Зинаида Христофорованы қабылдап, келелі кеңес өткізді.
Екі ел арасындағы мәдени байланысты дамыту мақсатымен келген қонақтарға құрмет көрсетіліп, алдағы бірігіп атқарылатын істердің маңызы жайлы пікірлер айтылды. Қазақстан Жазушылар одағының Басқарма төрағасы Мереке Құлкенов пен Жазушылар одағы басқарма төрағасының орынбасары ақын Қасымхан Бегманов «Чуваш Республикасы Жазушылар одағына – 100 жыл» мерекелік медалімен марапатталды. Басқарма төрағасы Чуваш қаламгерлеріне естелік сыйлықтар тапсырды.
"Қазақ әдебиеті" — Қазақстан Республикасының әдебиет, мәдениет және өнер газеті. Әр апта сайын, жұма күні шығады.
Газет 1934 жылдың 10 қаңтарынан бастап шыға бастады. «Қазақ әдебиеті» газеті — Қазақстан жазушылар одағының органы ретінде тұңғыш саны 1934 жылдың қаңтарында жарық көрген.
«Қазақ әдебиеті» - газетінің тарихы
Студия «Team28»