ҚАЗАҚ ХАЛҚЫНА МЫҢ АЛҒЫС
Алғыс айту күніне орай БҚО тарихи-өлкетану музейінде Қазақстан халқы Ассамблеясының және Қазақстанның көпұлттылығының тарихына арналған зал ашылды.
Ашылу рәсіміне облыс әкімінің орынбасары Бақтияр Мәкен бастаған өңірдегі этномәдени бірлестіктер басшылары мен өкілдері, студент жастар қатысты.
Ассамблея залында қазақ, орыс, корей, әзірбайжан, ұйғыр, татар, украин және басқа да халықтардың ұлттық киімдері мен бұйымдары, мұрағат құжаттары, музыка аспаптары, көне кітаптар, барлығы 100-ден астам құнды жәдігерлер қойылған.
Корей этномәдени бірлестігінің төрағасы Максим Пак Орал қаласында орнатылған «Қазақ халқына мың алғыс» монументінің көшірме мүсінін музейге табыс етті.