Алматыдағы Ұлттық кітапханада әйгілі фототілші Сайлау Пернебаевтың фотоальбомының тұсаукесері мен жеке шығармашылық фотокөрмесінің ашылу рәсімі өтті.
«Жұрттың есінде қалған фотоөнер иесінің, үлкен таланттың олжа салмаған жанры кемде-кем. «Ақ пен қара» атты бұл фотоальбомда қазақ фотожурналистикасын дамытуға елеулі үлес қосқан, бар ғұмырын осы салаға арнаған Сайлау Пернебаевтың ел шежіресін, оның ішінде «Қазақ әдебиеті» газетінде қызмет етіп жүрген кезінде ХХ ғасырдың 80-90 жылдарындағы қазақ ақын-жазушыларының бейнесін «Тосыннан түсіргенде» деген тақырыппен фотосуретпен сақтап қалған ерекше туындылары беріліп отыр, – деді сөз басында осы жиынның модераторы болған белгілі жазушы, Қазақстан Жазушылар одағы Төрағасының бірінші орынбасары Нұржан
Қуантайұлы.
Аса құнды альбом-кітап «Фотоөнер» қоғамдық бірлестігінің қолдауымен, Асылхан Әбдірайымұлы мен Айнұр Сайлауқызының «Атамұра» баспасынан жарық көрді. Кітапқа енген суреттер Сайлау Пернебаевтың жеке мұрағатынан алынған.
"Қазақ әдебиеті" — Қазақстан Республикасының әдебиет, мәдениет және өнер газеті. Әр апта сайын, жұма күні шығады.
Газет 1934 жылдың 10 қаңтарынан бастап шыға бастады. «Қазақ әдебиеті» газеті — Қазақстан жазушылар одағының органы ретінде тұңғыш саны 1934 жылдың қаңтарында жарық көрген.
«Қазақ әдебиеті» - газетінің тарихы
Студия «Team28»