Әдебиетімізде өшпес із қалдырып, қазақтың қара сөзінің қызғыш құсына айналған классик жазушы Әбдіжәміл Нұрпейісовтің дүниеден өткеніне бір жыл болуына байланысты 4 ақпан күні Алматы қаласында абыз ақсақалдың аруағына Құран бағышталып, ас берілді, марқұмның басына ескерткіш тақта қойылды. Асқа жиналған қауым жазушының адамдық болмысы мен шығармашылығы, өмір жолы жайлы әңгіме қозғап, жылы естеліктерін айтты. Келесі жылы әдебиет корифейінің жүз жылдығы. Газетімізде ғасырға жуық өмір сүріп, өшпес мұра қалдырған қаламгер хақындағы материалдар жарияланатын болады.