«Қазақ әдебиеті: фотошежіре» фотоальбомының екінші бөлімі жарық көріп, жұртшылыққа таныстырылды. Тағылымды жиынды Орталық мемлекеттік кино-фотоқұжаттар мен дыбыс жазбалар архивінің директоры Ілияс Ысқақов ашып беріп, Журналистика академиясының президенті Сағымбай Қозыбаев жүргізіп отырды. Фотоальбомға 1980–2020 жылдар аралығын қамтитын құнды құжаттар енгізілген. Шара барысында әл-Фараби атындағы ҚазҰУ ректоры Ж.Түймебаев, «Қазақ әдебиеті» газетінің бас редакторы Б.Жақып, журналист В.Жандәулетов, кітап авторы және құрастырушысы Ж. Омаров сөз сөйлеп, еңбектің маңызына тоқталып өтті.