---

ХХ ғасырдың басында (1925 жылы) дү­ниеге келген ғалым сол уақыттың бар­лық қуанышы мен қасіретін жан-тәнімен се­зінді. Ата-анасынан ерте айырылып, ту­ған-туыстарының көмегімен өсіп, оқып же­тілді. Орта мектепті аяқтаған соң тағ­дыр­дың қалауымен ол  А.К.Серов  атын­дағы Батай әскери авиациялық ұшқыштар учи­лищесінде ұшу өнерін игерді. Училищеде өте жақсы оқыған олар сталиндік сұң­қар­лар деген атақ алып, туған елді, жерді қор­­ғау ісіне дайындалып жатқан еді. Сол тұста Ұлы Отан соғысы жеңіспен аяқталып, бұ­ларды бейбіт өмірге бастаған еді.

КСРО Жоғарғы Кеңесі Прези­диу­мы­ның Жарлығымен Досекең елге мұғалім ре­тінде қайтып келді. Елге оралған соң Дос­мұхамед Кішібекұлы бар мүмкіндігін оқу ісіне арнады.

Еңбектене жүріп алған білімін ғылым­мен ұштастырған ол таяу жылдар ішінде Мәс­кеуде философия ғылымы бойынша кан­дидаттық, араға жылдар салып док­тор­лық диссертация қорғады. Инемен құдық қазғандай қиындықтарға белді бекем бай­лаған ол Қазақстан Республикасының Ұлт­тық Ғылым академиясының толық мү­шесі ғылымдағы тынымсыз еңбегінің арқасында болып сайланды.

Ғылым академиясында кіші, аға ғы­лы­ми қызметкер сатыларынан өтіп, философия кафедрасының меңгерушісі болды. Ака­демия аспиранттарына сабақ берді, сол кафедрада Жабайхан Әбділдин, Ағын Қасымжанов, Герасим Югай, Мамия Баканизде, Қасым Бейсембаевтар қатарлы ең­бек етті.

1964  жылдың 1 қыркүйегінде Қазақ­стан Ком­партиясының Орталық Комитеті Дос­мұ­хамед Кішібекұлын Қазақ поли­тех­ни­калық институтына маркстік-лениндік фи­лософия кафедрасын басқаруға жіберді. 32 жыл бойы осы қызметті абыроймен ат­қарды. КСРО Жоғарғы оқу орындарындағы қоғамдық ғылымдар кафедра меңгеру­ші­лерінің Бүкілодақтық жиналысына алты рет қатысып, жиналыс Президиумына сай­ланды, Үлкен Кремль Сарайы мінбе­рі­нен Қазақстандағы философия ғылымы және білім саласында атқарылып жатқан жұмыстар туралы баяндама оқыды.

Тәжірибелі оқытушы ретінде оны бір­не­ше рет шет елдерге шығатын делегация құра­мына кіргізді. Ол Италия, АҚШ, Жапо­ния, Франция, Түркия және т.б. елдерде болды.

1975 жылы Вашингтонда Юта штатынан шыққан Конгрессмен Хоудың арнайы ша­қырылуымен ұйымдастырылған кездесуде әр түрлі әлеуметтік-саяси тақырыптар са­ласында 45 минутқа созылған сұхбат бо­лды. Аудармашы АҚШ-тағы Кеңес Ода­ғы елшілігінің қызметкері еді.

Осы күнде теоретик-ғалым  Досмұхамед Кі­шібекұлы 800-ден астам еңбектің авторы, соның ішінде 70 кітап, монография, кі­тапша, әдістемелік әдебиеттер бар. Елі­міз тәуелсіздік алған алғашқы жылы Рес­пуб­лика Білім және ғылым министрінің тікелей тапсырмасымен өз тарихымызда тұңғыш рет жоғары оқу орындары студент­теріне арналған қазақ тіліндегі философия оқулығы дайындалып, оқушы қауымның қолына тиді. Бұл – қазақ елінің рухани-мә­дени өміріндегі үлкен бір жетістіктің, сер­пілістің көрінісі еді. Оқулықтың авторлары Досмұхамед Кішібеков пен оның шә­кірті Ұлықпан Сыдықов болатын. Содан бергі уақытта бұл оқулық он рет қайта ба­сылып шығып, Қазақстан жоғары мек­тебінің студенттері мен оқытушыларының игілігіне айналды.

Қазір өз ұлы, зерделі ғалым Тимур Кі­ші­бековпен бірге «Ғылым тарихы мен фи­лософиясы» пәні бойынша оқу құралы 4 рет қайта басылып шықты. 19 философия ғылымының кандидатын, 5 ғылым док­торын дайындап шығарды.

Қ.Сәтбаев атындағы Ұлттық политех­ни­калық университетінде тапжылмай жар­ты ғасыр қызмет атқарған ол, ұлттық ғы­лымымызға философия саласы бойынша ба­рынша үлес қосты.

Досағаң үнемі  ізденісте жүретін  ғалым. Ұл­тымыздың тарихына, әдебиетіне, мә­де­ниетіне, өсіп-өркендеу жолына қатысты мың­даған дерек көздерін, алуан түрлі басылымдарды, ой-пікірлерді саралап, өзі­нің ұзақ өмірден түйген пайымдарын ұш­­тастыра отырып, қадау-қадау маңызды ең­бектер жазды. Мәселен, оның кезінде бү­кіл зиялы қауымды елең еткізіп, үлкен пікірталас тудырған  көшпелі  қоғам  туралы еңбегі немесе ұлттық идея, ұлт мен­та­ли­тетіне (діліне) арналған зерттеулері кім­ді болса да бей-жай  қалдырмайтыны  анық. Ол ұзақ ғұмырында еш уақытта қа­ламы қолынан түспеген  еңбекқор, өзіне биік талап қойғыш, әр іске үлкен  жауап­кер­­шілік­пен қарайтын ғалым. Досағаң осы күнге дейін студенттерге, магистранттар мен докторанттарға  жоғары  ғылыми  тео­риялық және әдістемелік деңгейде дә­ріс оқып келеді. Оның дәрістері ылғи да маз­мұнды, өмірден алынған сан алуан мы­салдармен өрнектелген, тартымды, қы­зықты. Сондықтан да Досағаңның дәрісін тыңдаудың өзі жастар үшін үлкен мәр­те­бе.

Отан алдындағы зор еңбегі үшін Дос­мұхамед Кішібеков бірқатар жоғары ма­ра­пат­қа ие болды: «Халықтар достастығы» орденi, «Құрмет» ордені, «1941-1945 жыл­дар­дағы Ұлы Отан соғысындағы Жеңіс үшін» медалі, «Ұлы Отан соғысының Жеңі­сіне 70 жыл» медалімен, академик Н.И.Вавилов атындағы медаль, Ы.Ал­тынса­рин атындағы медаль, «Айрықша ең­бегі үшін» медалі, «Еңбек ардагері» ме­да­лі, т.б.

Досмұхамед Кішібекұлы елінің адал ұлы, ұлт патриоты, мықты идеолог ретінде өзінің көптеген еңбектерінде әрбір Қа­зақ­стан азаматын Отанды сүюмен ғана шек­теліп қалмай, оның гүлденуі, көркеюі үшін тынымсыз күресу керек қажеттігіне бағыт сілтейді. Қоғамдық өмірдегі қайсыбір қиын мәселелер барысында да пікірта­лас­тарға қатысып, орайлы мәселелерді шешуге өз сөзін өткізе білді. Үлкен ұстаз, ғұлама ғалым Досмұхамед Кішібекұлына мерейтой қарсаңында денсаулық, шығар­ма­шылығына табыс тілейміз!