Жаңа әліпби ережесін қалай нақтылаймыз?
Байынқол Қалиев,
филология ғылымдарының докторы,
профессор
Қалған Ғ, Ң дауыссыздарға келсек, латын әліпбиінде бұлардың жіңішке сыңарларының таңбалары бар (G, N). Осы таңбалардың үстіне шартты түрде жуандықты білдіреді деп, әлгі белгіні қойсақ болды, бұл дыбыстардың жуан таңбалары жасалады. Мыс.: Ğ, Ñ.
Кейбіреулер «Қазақтың І/і дыбысының таңбасы ретінде латынның [і] әрпін алған жөн» дегенді айтады. Біздің ойымызша, бұлай етуге болмайды. Неге десеңіз, сыртқы тұлғасы жағынан қазақтың І/і әрпі (дыбысы) латынның [і] әрпіне сай келгенімен, оның жуан сыңары Ы-ның латын әліпбиінде таңбасы (әрпі) жоқ. Сондықтан жуанды-жіңішкелі екі дыбысқа латынның бір ғана Y таңбасын алып, жіңішкесінің үстіне әлгіндей шартты белгіні қойсақ, сол жарап жатыр.
Міне, латынның небәрі 23 таңбасымен (олардың алтауының үстінде шартты белгі бар) қазақ тіліне тән 29 дыбысты таңбалап шықтық. Кейбіреулердің айтып жүргеніндей, қазақ тілінің 29 дыбысын таңбалау үшін латынның 26 әрпі жетпей қалған жоқ, қайта, керісінше, оның үш әрпі (V, F, Х) артылып қалды.
Енді өзімізге тақырып болып отырған «Қазақ емлесінің негізгі ережелеріндегі» баптарға келейік.
6-10 баптардың бесеуінде де бір ғана I, Ý (кириллицада И, У) әріптерінің емлесі туралы айтылған. Бар гәп олардың жеке дыбыстар емес, қос дыбыстың, айталық, И – ый/ій, ұй/үй дыбыстарының, У – ұу/үу, ыу/іу дыбыстарының қосындысы екендіктерінде ғана.
Басқаша айтсақ, «Ережені» түзушілердің ұлттық тіліміздің ерекшеліктерін білмеуінде, білсе де оны мойындамауында. Олай болса, орыс тілінің (сөздерінің) қамын ойлап, соның ырқынан шыға алмай, қазақ тіліндегі ЫЙ/ІЙ, ҰЙ/ҮЙ дыбыстарын латынның бір ғана І таңбасымен, ал ҰУ/ҮУ, ЫУ/ІУ дыбыстарын латынның Ý таңбасымен бергеннен гөрі осы тіркесті дыбыстарды жеке-жеке дыбыстарға тарқатып жіберіп, біздің ұсынымыз бойынша tуі/týі (тый/тій), uiyw/u’iýw (ұйыу/үйіу) деген сияқты таңбалармен белгілесек, Елбасымыз айтқандай, «ұлттық код, ұлттық мәдениет сақталған» болар еді, жазуда қазақ тілінің заңдылықтары ескерілген болар еді.
Қайталап айтамыз, егер бұлай еткен болсақ, «Ереженің» 6-10 баптарында көрсетілген қи, ки, ми, си, баю, сүю сөздерінің жазылулары осы жерде көрсетілгендей емес, біз ұсынғандай, дыбысталуы бойынша қый, кій, мый, сій, байыу, сүйіу деген түрде жазылар еді.
…
(Толық нұсқасын газеттің №10 (3644) санынан оқи аласыздар)