Өткен аптада Қазақстан Жазушылар одағының Әдебиетшілер үйінде Қазақстан Жазушылар одағы Басқармасы мен Қ.Қожамияров атындағы Ұйғыр музыкалық комедия театрының ұйымдасты­руымен белгілі жазушы, актер, драматург, режиссер, аудармашы Шайым Шаваевтың туғанына 80 жыл толуына арналған еске алу кеші өтті.

Кешке қазақ және ұйғыр ақын-жазушылары, зиялы қауым өкіл­дері мен мек­теп оқушылары қатысты.
Мерейтойлық еске алу кешінде алғашқы сөз кезегін алған Қазақ­с­тан Жазушылар одағы Басқарма төр­аға­сының орын­басары, фило­логия ғылымда­ры­­ның докторы, ақын Бауыр­жан Жақып жазушы­ның шығармашылықтағы жетіс­тік­тері мен қаламгерлік қайрат­керлігіне тоқтала келе, қазақ әде­биетіне қос­қан зор үлесін де атап өтті.
Мұнан кейін сөз алған Қазақ­станның Еңбек сіңірген қайрат­кері, жазушы Йолдаш Азаматов Шайым Шаваевтың ұйғыр әде­бие­тіндегі орнына тоқталды. Жазу­шы­ның жерлесі, Ұйғыр әде­биеті кеңесінің төрайымы, фило­ло­гия ғылым­да­рының кандидаты, ақын Па­тигүл Махсатова Шайым Ша­ваев­қа ар­наған өлеңін оқыса, Ұй­ғыр театры­ның көркемдік жетек­шісі, Қазақ­станның Халық әртісі Мұрат Ах­­мадиев «Бірінші махаббат» әнінің қалай жазылға­нын тебіре­ніс­пен айта келе, сөзін әнге ұлас­тырған­да кезде залда отырғандар да қосыла шырқады.
Мемлекеттік сыйлықтың ие­гері, ақын-драматург Иран-Ғайып, жазушы Жанат Ахмади, драматург-жазушы Ахметжан Ашири, ақын Дәулетбек Байтұр­сынов, жазу­шы­ның жақын досы Аян Нысаналин, режиссер Мұ­хит Изимов, «Уйғур авази» газе­тінің бас редакторы Ершат Асметов, «Атамұра» баспасы ұйғыр редак­ция­сының редакторы Малик Ма­хам­динов, Ұйғыр ауданы «Шон­жы» ауылының әкімі Адыл­жан Қур­ба­нния­зов, жазушының туған жері – «Тиір­мен» ауылының әкімі Миршат Насиров, «Төле би» қо­ры­ның прези­денті Оралжан Масатбаев, «Сұлтанқорған» ауы­лы­­ның ақса­қалы Ғайрат Мәмә­та­лиев­­тер қөп қырлы қалам иеге­рінің адамгер­ші­лік қасиеттерін еске алды.
Кеш барысында Ұйғыр теат­ры­ның «Нава», «Рухсара» ансам­бль­дері өнер көрсетіп, әншілер Ну­ра­лим Варисов, Пархат Давутов Шайым Шаваевтың сөзіне жазыл­ған әндерді орындады. Театр актерлері Шайым Шаваевтың «Билал Назим» және Иран Ғайып­пен бірге жазған «Қашқария» спек­такльдерінен үзінділер кө­рсетті.
Көзі тірісінде «ұйғырдың Шук­шині» атанған Шайым Ша­ваев­тың 80 жылдық еске алу ке­ші­нің кө­рер­мен көңілінен шық­қаны анық.