Білім – бақыт бастауы
08.09.2017
589
0

Мектеп – үлкен өмірге жол бастайтын киелі шаңырақ. Сондықтан да халқымыз қашан да білімнің парқын жоғары бағалаған. Ұлттық құндылықтарымыздың ұлы мұратын қалыптастыруда алтын діңгек болып отырған А.Байтұрсынов атындағы №139 мектеп-гимназиясы да білім күні мерекесін әсерлі өткізді. 26 жыл аясына талай түлектерді қанаттандырған білім ордасынан әлі де көптеген шәкірттердің біліммен сусындайтынын мектеп ауласында өткен жиын дәлелдей түскендей.

Шаттыққа толы мерекеде мек­теп-гимназия директоры Ерік Қуатбеков:
– «2016-2017 оқу жылында басталған білім саласындағы ізгі жұмыстарды жалғастыру, дамыту және «Мәңгілік ел» жалпыұлт­тық идеясы негізінде қазақстан­дық патриотизм мен көп­мәде­ниет­­­тілік үйлесімділікті қа­­лып­­тас­тыру және отбасы әлеу­меттік жұ­мыстарын, ҚР президенті Н.Ә.Назарбаевтың «Бес инс­ти­ту­ци­оналдық реформаларды жүзе­ге асыру бойынша 100 нақты қадам» Ұлт жоспары мен ҚР Бі­лім беруді және ғылымды да­мы­тудың 2016-2019 жылдарға арнал­ған бағдар­ла­масы аясында алға қойған мін­деттерді орындау мақсатында жұмыс жүргіземіз. Баршамызға білім беру сапасын арттыруға үлкен міндеттер жүктелді.
Мектептегі білім сапасының басты көрсеткіштерінің бірі – бұл мектеп түлектерінің ҰБТ-дегі көрсеткен білім деңгейі. Оқу жы­лында 11 сыныптағы 38 оқушы ҰБТ-де 108,4 ұпай көрсетіп,
5 оқу­­шы «Үздік аттестатпен» бі­тірді, 23 оқушы білім грантының иегері атанса, қалғандары ақылы ЖОО түсті. Жаз айларында «Өрлеу» БАҰО педагогикалық ше­бер орталығында 19 мұғалім «ҚР орта білім мазмұнын жаңар­ту шеңберінде қазақ тілінде оқы­та­тын мектептеріндегі педагог мамандардың біліктілігін арттыру» және «Тәжірибедегі рефлексия» тренерлік курстарынан дә­ріс алып, сертификатталды.
Мемлекет тарапынан тегін жаз­ғы демалыс «Тау-жанашыры» лагеріне 16 оқушы , ал мектепте 1-4 сынып оқушыларына ұйым­дас­тырылған «Балдәурен» лаге­рі­не 150 оқушы демалды. 5-6 сы­­нып оқушыларына ағылшын ті­лінен дайындық курстары ұйым­дастырылды. Мектепте мемлекет тарапынан бөлінген 3,4 млн., теңгеге ағымдық жөндеу жұ­мыс­тары жүргізілді. Физика, лин­гофон кабинеттері жасақ­тал­ды.
Мектеп-гимназияда жыл бо­йы атқарылып жатқан игі істер ұстаздар мен ата-аналар қауымы­ның жемісті еңбегінің нәтижесі дер едім», – деді.
Салтанатты жиында мектеп өнерпаздары ән шырқап, күміс қоңырау үні сыңғырлап, «Мен – өз Отанымның патриотымын!» атты алғашқы тәрбие сабағымен жалғасын тапты.

Қайрат САЙДНАСИМОВ,
А.Байтұрсынов атындағы №139 мектеп-гимназия директорының
тәрбие жұмысы жөніндегі орынбасары.

ПІКІР ҚОСУ

Ваш e-mail не будет опубликован.

Пікір