Сыршыл ақынның жырға толы кеші
06.10.2017
536
0

Үстіміздегі жылдың 29 қыркүйегінде Л.Н.Гумилев атындағы Еуразия Ұлттық университетінің «Кәусар» мәдени-танымдық бірлестігінің ұйымдастыруымен Қазақстанның еңбек сіңірген қайраткері, Халықаралық «Алаш» әдеби сыйлығының лауреаты, экономика ғылымының докторы, Қазақстан және Әлем халықтары Жазушылар одақтарының мүшесі, ақын Нәзікен Алпамысқызымен «Сырлы сөз» атты кездесу өтті.

Жиынға университеттің әлеумет­тік-мәдени даму жөніндегі проректоры Д.Қамзабекұлы, филология ғылым­ы­ның докторы, профессор С.Не­ги­мов, Қазақстанның Еңбек сіңірген қай­раткері, жазушы Ж.Солты, эко­но­мика факультетінің деканы С.Мақыш, әлеу­меттік ғылымдар факультетінің де­каны Б.Балтабайұлы және ақынның шәкірттері мен университет студент­тері қатысты.
Студент жастар ақын шы­ғармаларын ықыласпен мәнеріне кел­тіріп оқыса, жүргізуші Кенжеғали Мыр­жықбай әсем әуезді әндерімен көркемдеді. Мерейтой иесі ара-ара­сында жыр­ла­рын оқып, жиналған­дар­дың жүрегін жы­лытты.
Қонақтардың бірі ақын шы­ғар­ма­шылығына терең бойлап, талдау жа­са­са, енді бірі ғибратты естеліктерін айт­­ты. Экономика факультетінің де­ка­ны С.Мақыш ұстазына арнап «Ұста­зым» әнін орындап, қошемет көрсет­ті.
Жиын соңында проректор Д.Қам­за­бекұлы мерейтой иесін университет­тің «Күлтегін» медалімен марапаттап, сый­лық тарту етті.

ПІКІР ҚОСУ

Ваш e-mail не будет опубликован.

Пікір