Қазақстанда ақылы оқуға түскісі келген талапкерлерді ұлттық бірыңғай тестілеуден босату мәселесін ҚР Парламенті Сенатында өткен «Орта білім беру жүйесінің жай-күйі, проблемалары және заңнамалық реттеу перспективалар» тақырыбына арналған парламенттік тыңдау барысында ҚР Білім және ғылым министрі Ерлан Сағадиев көтерді.

«Өздеріңіз білетіндей, «Ақ жол» партиясы еліміздің жоғары оқу орындарының ақылы бөліміне түсетіндер үшін ұлттық бірыңғай тестілеуді алып тастау туралы бас­та­ма көтерген болатын. Қазіргі таң­да біз мәселені егжей-тегжейлі тал­қылап жатырмыз. Ұлттық бі­рың­ғай тестіні мемлекеттік білім грант­тарын бөлу құралы ретінде қал­дыру ұсынылған болатын», – де­ді Ерлан Сағадиев.
Парламенттік тыңдау бары­сын­да Қасым-Жомарт Тоқаев: «Елі­міздегі орта білім беру жүйе­сі­нің үйлесімді қызметі мен мек­теп­тердің сапасы әрбір отбасына, әр азаматқа қатысы бар екенін біз жақсы білеміз. Биыл Қазақстан Пре­зиденті мемлекетіміздің бола­ша­ғын қамтамасыз етуге бағыт­тал­ған еліміздің үшінші жаңғыруы жө­ніндегі бағдарламаны енгізді. Да­мыған 30 елдің қатарына ену жө­ніндегі іргелі мақсатқа қол жет­кізу­ге бағытталған бұл бағдар­ла­ма­да адам капиталының сапасын жақ­сартуға, соның ішінде білім беру сапасын арттыруға айрықша көңіл бөлініп отыр», – дей келе, Се­нат төрағасы мемлекет басшы­сы білім беру жүйесін экономика­лық өсудің негізіне айналдыру үшін оның қызметін түбегейлі өз­герту жөнінде тапсырма бергенін ес­ке салып өтті.
«Қазіргі кезде техноло­ги­я­лар­дың қарқынды дамуы, әр түрлі са­ла­ға инновациялардың енгізілуі, жап­пай цифрландыру, жаңа тех­но­логиялық тәртіпке көшу орта білім жүйесін дамыту барысында жан-жақты ескерілуі тиіс. Елімізді жаңғырту жолындағы міндеттерді орын­дауға барынша қабілетті ма­мандарды дайындап шығару үшін Қазақстанның білім беру жүйесі қа­зіргі заманның талаптарына то­лы­ғымен сай болуы керек», – деді ол.
Ал өз кезегінде сөз алған Білім жә­не ғылым министрі Мемлекеттік грант­қа ілікпеген «Алтын белгі» ие­­гер­лерінің проблемасына да тоқ­талып өтті. «Биылғы жылы жоғары оқу орындарына 36 500 грант бө­лінді. Республикалық комиссия грант бөлу мәселесін жан-жақты қарап, қосымша 1 500 грант бөлді. Биыл комиссияның жұмысына ата-аналар қатысып, тестілеу ор­талығына барып, грант­тарды бө­ле­тін компьютердің, бағ­дар­­ла­ма­ның қалай жұмыс істей­тінін өз көз­дерімен көрді. Олар осы про­цес­тің ашықтығы мен әділдігіне көз жеткізді. Кейін олар өз пікір­ле­рін баспасөзде ашық айтты. Әри­не, биыл осы мәселеге бай­ла­ныс­ты бірнеше шешім қабылдау ке­рек. Ең алдымен әр мамандыққа квота беру процесін өзгерту қажет бо­лып тұр», – деді Ерлан Сағадиев. – «Мәселен, оның айтуынша, жал­пы медици­наға 3 мың грант бе­рілсе, стомато­логияға 45 грант қа­на беріледі. Педагогикаға «Сер­пін» бағдарла­масын қоса алғанда 8 мың грант берілсе, эко­номикаға тек қана 46 грант бөлінеді. «Әрине, экономи­каға түсетін ба­лалар 135 баллмен түсе алмайды. Ал пе­да­го­гикаға барған балалар 65 баллмен өтіп кетеді. Бұл мәселе қоғамда жыл сайын наразылықты көбейтіп отыр. Оны көріп те отырмыз. Әри­не, «Алтын белгі» алғандардың мә­селесін шешу керек. Ол жұ­мыс­тар­ға қазіргі уа­қытта кірістік», – дейді министр.
«Орта білім беру жүйесінің жай-күйі, проблемалары және заң­намалық реттеу перспек­ти­ва­лар» тақырыбына арналған пар­ла­мент­тік тыңдау барысында Білім жә­не ғылым министрі алдағы оқу жы­лындағы талапкерлер үшін ҰБТ бұрынғыдан да ашық өтетінін айт­ты.