Шолпан-атадағы Мұхтар Әуезов мұражай-үйінде мәдениеттанушы, филология ғылымдарының кандидаты, Қазақстанның Қытайдағы төтенше және Өкілетті елшісі қызметтерін атқарған Мұрат Мұхтарұлының мүсіні орнатылды.

Ескерткіш бюст Қырғызстанның Халық жазушысы, Тоқтоғұл атындағы Мемлекеттік сыйлықтың лауреаты, ТҮРКСОЙ ұйымының Бас хатшысы Сұлтан Әкімұлы Раевтың идеясымен әрі мұрындық болуымен қойылған. Мүсінді көрнекті қырғыз скульпторы Тамила Маматова қашаған.