Сөз арқауы – әдебиет
17.03.2017
880
0

Нұрлан Оразалин,
Қазақстан Жазушылар одағының төрағасы, ҚР Мемлекеттік сыйлығының лауреаты

Қадірлі әріптестер!
Өткен бір жылдың бары мен жо­ғын таразының басына қойып, «қай жанрда қандай жаңалық болды, жалпы әдебиет әлемінде нендей өзгерістер болып жатыр?» деген қа­лам ұстаған қалың жұртшылықтың көкірегін ма­залайтын осы тектес сауалдарға бә­рі­міз бір кезеңде әдебиет дей­тін киелі де қасиетті әлемнің жүгін әркім өз хал-қа­дарын­ша көтеріп жүрген қа­лам­дастар ретінде жиналатын дәс­түр­лі жиынымызда бас қосып отырмыз.
Біріншіден, жиынға қош келдіңіз­дер! Екіншіден, жи­на­лысты бастауға рұқсат етіңіздер!
Жиынды жүргізу үшін арнайы пре­зидиум сайлаудың ке­регі жоқ. Екі съездің арасында атқарылуы тиіс іс-ша­раларды жүзеге асыруды мін-деттейтін арнайы басқарма сай­лаған­сыздар. Сол сайланған басқарманың жұмысын жүйе­лі түрде іске асырып келе жатқан арнайы хатшылық құрам бар. Сол хатшылық осындай жиындарды шақыруға толық құқылы! Ендеше жиналысымызды ашық деп жа­риялаймын!

Бірінші кезекте, сіздерден сұрайтыным, регламентте бе­кі­тіл­ген уақытқа сай жұмыс іс­тейік. Баяғының ұзын баян­да­ма­­ларының күні өткен. Баян­­дама да, сөздеріміз де ша­ғын, шымыр болғаны дұрыс… Екі күнге созылатын жиындарды ұмытуымыз керек. Қайталап айтамын, әңгімеміз сапалы бол­сын. Әдеби жыл қоры­тын­ды­сы – бір жылдық әдеби өмі­рі­міздің кескіні мен келбеті. Олай болса, бүгін киелі төрі­міз­де сапалы әңгіме мен салмақты ой сал­танат құрса, құба-құп! Бірі­міздің бетімізді біріміз аймандай етіп, орынсыз әңгімеге жол бермей, бере­ке-бірлігімізді танытып, үл­гілі жиын өткізсек… Олай дей­­тінім… Ертең осында айтыл­ған сөздің бәрі хатқа тү­се­ді, тас­қа басылады. Газет-жур­­нал­дар арқылы қалың оқыр­­ман­дар­ға тарайды. Айтарымыз да, сө­зіміз де тиянақты болып, әдеби ат­мос­фераның абыройына қыз­мет еткенін қалаймыз…
Екіншіден, қалам ұстаған қауым­ды қадағалап отырар қа­лың ел бар, оқырман бар. Со­лар­дың көңілінен шығатындай, елдің сөзін, әдебиеттің мүддесін көз­дейтін көркем сөздің кеңіс­ті­гіндегі басалқы, салмақты жиын болғаны – бәрімізге ортақ абы­рой.
Үшіншіден, негізгі жүгі ауыр екі жанрға проза мен поэзияға бе­рі­лер регламентті 20-25 минут деп отырмыз. Сыймай қал­ған пікірлеріңізді «Қазақ әде­бие­ті» газетіне ықшамдап, «Жұл­­­­дыз» журналына толық нұс­­қасын жа­риялаймыз. Басқа жанрларға 10-15 минуттың төңі­­регінде уа­қыт бөлінеді. Ха­бар­лама жа­сау­ға – 7-8 минут… Жарыс сөзге
3 минут, сұрақ-жауап­қа – 1-1,5 минут! Таза әде­­­биеттің әңгімесі қозғалып, сө­зіміз кәсі­би бағытта өрбігені оң болар еді…
Ой – ортақ, мақсат – ортақ… Сон­дықтан әдебиеттің көркем­дік кеңістіктің проблемаларына көбірек ден қоюға күш са­лайық. Тілек те, жиынымыздың та­лабы да осы!
Ендеше… Өткен жылы жа­рық көрген шығармаларды тал­дау үшін баяндамаларға кезек бе­рейік…
Сұрақ – не бар? Не жоқ?
Жауабын бірігіп іздейік…
Сонымен…
Сөз арқауы – бір жылдың әде­­­­биеті.

ПІКІР ҚОСУ

Ваш e-mail не будет опубликован.

Пікір