Қазіргі аналар бейнесі
10.03.2017
2519
0

Бүгінгі күні қазақстандық әйелдер белсенді қоғамдық және саяси позицияларды иеленуде. Қазақстан әйелдері отбасының ошағын сақтаумен ғана емес, сонымен қатар мемлекеттік өмірге белсенді қатысуымен ерекшеленеді.

Экономика саласындағы жұмысшылар­дың жартысына жуығы – әйелдер. Олардың ішінде дәрігерлер, мұғалімдер, мемлекеттік қызметкер­лер, шағын бизнес, қызмет көрсету, мә­дениет, спорт саласының өкілдері бар. Бүгінгі таңда менеджерлер, оның ішінде мемлекеттік қызмет басшылары арасында әйелдер өте көп. Одан басқа, қазақстан­дық­тар­дың қоғамдық санасында ерлермен қатар бизнесті бағындырған іскер әйелдің бейнесі қалыптасып келеді.
«Әйелдерде үлкен адамгершілік күш бар, олардың этникалық нормасы мен адамдармен жақсы қарым-қатынас ұстай алып және қол­дайтын, яғни нағыз саяси тұлғаның ерекше қабілеті бар». Парламентаризмнің халықара­лық тәжірибесі көрсеткендей, егер заң шы­ғару­шы органда әйелдердің саны 10%-дан кем болса, ол балаларды қорғаудағы заңды қа­былдауда қиындық туғызады. Кейбір адам­дар өмір сүру үшін жұмыс жасайды. Ал сая­сат­кер әйелдер жұмыс істеу үшін өмір сүреді. Олар «менің қолымнан келмейді» немесе «бұл өте қиын» деген сияқты сөздерді мойындамайды.
Бүгінде, әйелдің иығына түскен үлкен пси­хологиялық жүктемелер оның алдына жа­ңа міндеттер қояды: тік тұру, өмір сүру, өзінің балаларына және жақындарына жәр­дем­десу, оларды ықтимал болатын қауіп-қатер мен шым-шытырықтан қорғау. Бұл жерде оның руханилығы мен адамгершілік қағидасында сипатталатын жоғары күшке де­ген сенімі мен рухани күші маңызды зор рольді ойнайды.
Қазақ қашан да қыз-келіншектерді құрмет тұтып, алақанына салып, ардақтап келген. «Бір қолымен бесік тербеткен аналар бір қолымен әлемді тербетеді» деседі дана ха­лық. Қазақ әйелдері ғана ошақ қасындағы тір­шіліктен бір уақыт бой түзеп, ел бірлігі мен бо­лашағы үшін маңызды істерге атсалысуда.
Әйел-ана – өмірдің өзегі, тіршіліктің күре­­тамыры, ыстық ықылас пен ыждаһаттың, пәктік пен тазалықтың қайнары. Еліміздің сән-салтанаты артып, мерейінің үстем, абы­ройы­­ның асқақ болуында нәзік жандардың еңселі еңбегі мен қажырлы қайратының қа­рым­ды үлесі жатыр. Расында, ықылым заманнан әйелдердің мойнына артылған ауыр жауапкершілік. Қылықты қыз болу, ибалы ке­лін атану, аяулы жар болу, бала сүю, қыз­мет­­те абыройға кенелу, ардақты әже атану, са­­налы ұрпақ тәрбиелеу…
Осындай міндетті нәзік иығымен көтеріп жүрген әйелдерге қандай мақ­тау айтсақ та, құрмет көрсетсек те жараса­ды. Ақиқатында, Алла Тағала әйел баласын сүй­ген жарының өрісін кеңейтіп, ұрпағын өр­біту үшін жаратты емес пе? Сол себепті, мен үшін де мінсіз әйел ол – шаңырағының шам­шырағына айналған адал жар, көп балалы ана, қызметте белсенді маман. Қазіргі заман­ның әйелі ширақ болуы керек. Сонда ғана от­басы бірлігін сақтап, қоғамның дамуына сү­белі үлесін қосады.

Гаухар Әбдіхалыққызы,
Абай атындағы Қазақ Ұлттық педагогика­лық университеті Елтану және туризм кафедрасының аға оқытушысы, п.ғ.к

ПІКІР ҚОСУ