Қазақ Ұлттық университеті Қазақстандағы ең үздік жоғары оқу орындарының бірі болып саналады. Оқу ордасы 83 жылдық тарихында көптеген жетістіктерге жетті. Қазір жоғары оқу орны 180 сала бойынша мамандар дайындайды. QS World University Rankings Results сайтының келтірген деректеріне қарағанда университет 2016 жылы 401-450 аралығына дейін көтерілген, 2012 жылғы әлемдік үздік 390-шы университет Университет ТМД университеттері ара­сында үшінші орында, QS рейтингісі бойынша соңғы екі жылда әлемдегі үздік университеттер қатарында саналады.

Университеттің QS рейтингі­сін­дегі позициясы – 275 орын, Webometrics рейтінгісі бойынша университет 2016 жылы Қазақ­стан­да 1 орынды, ал дүниежүзі бойын­ша 2001 орынды иеленді.Атақ­­ты­ халықаралық «Great Value Colleges» ұйымының қорытындысы бойынша әл-Фараби атындағы ҚазҰУ әлем бойынша 50 техноло­гия­лық дамыған университеттер қа­тарына кіріп, рейтингте 31 орын­ иемденді. ТМД, Шығыс және Орталық Еуропа, сонымен бiрге Сингапур, Жапония, бүкіл Азия кон­тиненті арасында қазақстандық ЖОО жалғыз өкіл екендігін айта кеткеніміз жөн.
ҚазҰУ-да UNITWIN бағдарла­ма­сына сәйкес, ЮНЕСКО кеңесі­мен даму бойынша Орта азиялық тұрақты даму бойынша аймақтық ЮНЕСКО хабы құрылды. Тұрақты даму бойынша ЮНЕСКО кафедрасы ашылды.
UNIFORM Project Халықара­лық консорциум негізінде Токио университетімен бірігіп Қазақстан тарихында бірінші рет сирек кез­десе­тін жоба отандық Нанос­пу­т­ник­­ті әзірлеу жұмыстары жүріп жа­тыр. Бұл әзірлеме басқа да жобалар сияқты Экспо-2017 көрмесінде таныстырылмақ. Әл-Фараби атын­дағы ҚазҰУ аясында «Алатау» ИТП-ның үшінші кезеңі әзірлен­бек. Бұл ғылыми-білім беру және ин­но­вациялық кластердің құрыл­уы ұлттық инновациялық жүйенің негізгі «даму нүктесі» болып табылады.
Қазақ Ұлттық университетінде бүгінде 20 мыңнан астам студент, сон­дай-ақ, алыс-жақын шетелден келген студенттер білім алады.Оқы­тушы-профессорлар құрамы – 2 млн. 500 мың адамнан асады, олардың арасында 400-ден аса ғы­лым докторы, профессорлар, 800-ден астам ғылым кандидаттары, доценттер бар. Университетте қа­зіргі уақытта 14 факультет шоғыр­ланған. Сол факультеттердің бірі «Экономика және бизнес жоғарғы мектебі».
Экономика және бизнес Жоға­ры мектебі әл-Фараби атындағы ҚазҰУ-нің ертеден танымал фа­куль­теттерінің бірі болып табылады. Экономикалық факультет 1949 жылы ашылған болатын.
2009 жылғы ақпаннан бастап факультет деканы қызметін э.ғ.к., доцент, экономика саласына елеулі ең­бегін қосқан Ермекбаева Баян Жүндібайқызы атқарады. Ол еңбегі үшін алтын медальмен және Ха­лықаралық Экономистер Кон­гре­сінің Дипломымен марапат­тал­ған. 2009 жылдан бастап
Ха­­­лы­қ­­­а­ралық экономистер ака­де­миясы­ның мүшесі, 2011 жы­лы «Қазақстанның еңбек сіңірген қайраткері» деген атаққа ие болды, және сол жылы «Ең үздік оқытушы» мемлекеттік грантының иегері атанды.
Факультетіміздегі «Есеп және аудит» кафедрасы алғашқыда Экономика факультетінің «Маркетинг жә­не жалпы пәндер кафед­расының», 2001 жылдың мамыр айынан бастап «Қаржы және аудит» кафедрасының құрамында болған. Негізінен «Есеп және аудит» кафедрасы 2004 жылғы
27 сәуірде ашылды. Содан бері «Есеп және аудит » кафедрасы халы­қ­а­ралық стандарттарға сай жоғары білімі бар бухгалтерлер мен аудиторларды кәсіби, білікті маман дайындаумен айналысады.
Жеке кафедра болып бөлін­ген­нен кейін кафедра меңгерушісі қызметін э.ғ.к., доцент Э.Т.Ту­легенов атқарды. 2014 жылға дейін кафедра меңгерушісі қыз­метін доцент, э.ғ.к., Б.Б.Султанова бас­қар­­ды. Ал 2014 жылы кафедра меңгерушісі болып э.ғ.д., профессор Байдильдина Адиля Манатовна тағайындалып, бүгінгі күнге дей­ін кафедраның дамуына үлесін қосып келеді.
Кафедра жанынан құрылған сертификатталған бухгалтерлерді дайындау орталығы бар. Орталық 2012 жылдың 28 қаңтарында «Есеп және аудит» кафедрасының жанынан құрылған, директоры – э.ғ.д., профессор А.М.Байдильдина.
Орталықтың менеджері – э.ғ.к., доцент А.К.Бейсенбаева. Қазір студенттер жоғары білімді алған соң дипломдары нарық сұраны­сына ие болуы қажет, ол үшін сту­ден тоқу процесiн үзбей халы­қ­-
а­ра­лық СIPA сертификация бағ­­дарламасы САР – сертификат­тал­ған тәжірибелі бухгалтер алу мүмкіндігі бар.
CAP сертификатын еленуші маман ХҚЕС- негізделген есептерді дайындауға қабілетті болады. Бұл сертификаттар бойынша оқу жұ­мыстарын кафедрамыздың білімді де білікті оқытушылары жүр­гі­зе­ді.
Жалпы, Ұлттық универ­си­те­тіміз­­дің Есеп және аудит маман­ды­ғының болашағы аса зор.

Гүлнар Нұрғалиева,
Экономика және Бизнес Жоғары Мектебі Есеп және
Аудит кафедрасының доценті.