Оңтүстік Қазақстан мемлекеттік педагогикалық институтының үш жүзден аса адам жиналған акт залында жазушы Момбек Әбдәкімұлының Алматыдағы «Ел шежіре» баспасынан шыққан «Түркістан өлкесіндегі ойран» атты тарихи романының тұсаукесері өтті. Тұсаукесер жиынына белгілі жазушы,
ҚР Мемлекеттік сыйлы­ғы­ның иегері Бексұлтан Нұржеке, көрнекті ақын, «Ақиқат» журналының бас редакторы Аманхан Әлім, филология ғылымының докторлары Мекемтас Мырзахметов, Құлбек Ергөбек, Халықаралық «Түркі әлемі» студиясының директоры, танымал қаламгер Доқтырхан Тұрлыбек сияқты елге аттары мәшһүр бір топ зиялы қауым өкілдері қатысты.

­тан Нұржеке «Түркістан өл­ке­сіндегі ойран» романына жалпы сип­аттама жасап, ондағы кө­те­ріл­ген мәселелер жөнінде кеңі­нен әңгіме қозғады. «Бұл кітап, – деді ол, – 1916 жылғы Ұлт-азаттық кө­те­рілістің және Түркістан Респуб­ликасы мен «Алаш» партиясының құрылғанына 100 жыл толуына һәм сталиндік қуғын-сүргіннің 80 жылдығына арналып жазылып­ты. Автор 1916-1937 жылдар ара­лы­ғында Түркістан өлкесінде өт­кен саяси уақиғаларды нақты та­рихи мәліметтер мен деректер негізінде көркем әдебиет та­ла­бына сай тізбелеп, оларды кі­таптағы бас кейіпкер – Мамажан Сар­тайұлының іс-әрекеттері мен образы арқылы  нанымды түрде жазбалап шыққан. Ең маңыздысы – кітаптағы 1916 жылғы Ұлт-азаттық кө­терілістің оңтүстік өлкесінде де қатты белең алғаны, сол соғыста жер­гілікті қазақтардың шеккен қа­сіреттері мен тартқан азаптары ту­ралы кең ауқымда берілген де­ректер шығарманың құнын арт­тырып тұр. Аталмыш еңбектің қай жағынан алғанда да, тарихи шығарма талаптарына сай жа­зыл­ғаны бізді қатты қуантты».
Бұдан кейін сөз алған қа­лам­­­герлер мен ғалымдар кітапта жа­зыл­ған тарихи  уақиғалар мен жазу­шының жазу стиліне, сөз қол­данысына талдау жасап, онда келтірілген Мұстафа Шоқай, Тұрар Рысқұлов, Сұлтанбек Қожанов, Мұ­хамеджан Тынышбаев және бас­қа да қазақ қайраткерлерінің бей­нелері, сондай-ақ  шығарманың бас­ты кейіпкері, түркістандық қай­раткер Мамажан Сартаевтың тұл­ғасы  сәтті суреттелгені хақында әң­гімеледі. Жиынды Оңтүстік Қа­зақстан МПИ проректоры Бар­шакүл Исабекова жүргізді.