«ӘБІШ ӘЛЕМІ»
07.10.2016
1021
0

2-betke-bishЕлордадағы Маңғыстау облысының күндері аясында халық жазушысы Әбіш Кекілбаевтың шығармашылығы мен өміріне арналған «Әбіш әлемі» журналының тұсауы кесілді.

Тұсаукесер шымылдығы Әбіш Кекіл­бай­ұлының толғаныстары жинақталған бейнетоптамамен ашылды. Тұсаукесерге жазушының көзі тірісінде сындас аға, сырлас дос болған замандастары мен қаламдас інілері жиналды.

Қоғам қайраткері Зейнолла Алшынбаев: «Әбіш әлемі жатқан мұхит. Біз жаңа ғана білуге тырысып жатырмыз. Әбіш ең­бек­терін түсіну үшін үлкен дайындық керек. Сондықтан «Әбіш әлемі» атты жур­нал­дың маңыздылығы осында. Басқа қыр­ларынан айтпай-ақ қояйық. Тәуелсіз­дік алғаннан бергі еңбектерінің барлығы тәу­елсіздікке қаланған жәй ғана кірпіш емес. Бұл – гранит. Мығым, үлкен дүние», – деді.

Қазақстан Республикасының Ұлттық академиялық кітапханасында «Аңызға айналған Абыз» атты кітап және «Ұлы дала Абызы» тақырыбындағы жылжымалы ақпараттық көрме ұйымдастырылды. «Жаңғырған Маңғыстаудан – Жасампаз Астанаға» деп аталған шара Әбіш Кекіл­баев­тың «Шыңырау» повесімен қорытын­ды­ланды.

Журналдың тұсауын ғалым, қоғам қайраткері Мырзатай Жолдасбеков пен жары Клара Жұмабай кесті.

Шарадан соң жиылған қауым Әбіш Кекілбайұлының зиратына барып, құран бағыштады.

ПІКІР ҚОСУ

Ваш e-mail не будет опубликован.

Пікір