М.ӘУЕЗОВ ТЕАТРЫ АСТАНАЛЫҚТАРДЫ КӨРМЕГЕ ШАҚЫРАДЫ!
23.09.2016
794
0

Астанадағы Ұлттық мұражайда М.Әуезов атындағы қазақ мемлекеттік академиялық драма театр мұражайының «Тарих толқынындағы театр шежіресі» атты көрмесінің ашылу салтанаты өтті.

Қазақстан Республикасы Тәуел­сіз­дігінің 25 жылдығы аясында ұйым­дастырылған көрме алтыншы қа­занға дейін жалғаспақ.

Қазақ өнерінің қара шаңырағы – М.Әуезов атындағы қазақ мем­ле­кеттік академиялық драма театры мұражайының 48 жылдық тарихы бар. Театр мұра­жайы ол – қазақтың театр және ки­но өнерінде терең із қалдырған, атақ­ты тұлғалардың өмірінің аяулы сәттеріндегі жарқын бейнесі. Мұра­жай жәдігерлері арасында әйгілі театр және кино актер­ларының си­рек кездесетін фото­суреттері, әр жыл­дардағы сахналық киімдері, афи­шалар, спектакль­дер­дің макет­тері мен эскиздері, театр өнері май­тал­мандарының портрет­тері және та­ғы басқа құнды заттар сақталған. Театр­дың 90 жылдық ғұмырынан сыр шертетін осынау жәдігерлер Қазақстан Рес­пуб­ли­касы Тәуелсіздігінің 25 жылдығын арнал­ған көрмеге қойылып отыр.

Көрменің салтанатты ашылуына  КСРО  халық  артисі, Мемлекеттік сый­лықтың лауреаты, М.Әуе­зов атын­дағы қазақ мемлекеттік ака­демиялық драма театрының көр­кемдік жетекшісі Асанәлі Әші­мов, Қазақстанның халық ар­ти­сі, профессор, кеңесші Есмұхан Обаев, Қазақстанның еңбек сіңірген қай­раткері, Қазақстан Жастар ода­ғы сыйлығы лауреаты, театр директоры Ерлан Біләл, ҚР еңбек сіңір­ген қайраткері, Халықаралық «Алаш» әдеби сыйлығының лауреаты, ҚР Жур­налистика Академиясының ака­демигі Әлия Бөпежанова және т.б. өнер майталмандары қатысты.

 

ПІКІР ҚОСУ