Тәуелсіздіктің алғашқы жыл­­дарында-ақ бизнес өкі­лі ретінде көрініп, хал­қына қамқор, ұлтына сүйеу бол­ған атпал азамат, «Сарыарқа» акционерлік қоғамының президенті, республикалық «Қарабура» мәдени орта­лығының төрағасы болған Құрал Ержанов ағамыздың арамыздан кеткеніне көп бола қойған жоқ.

Құрал аға Ержанов көне­нің көзін көрген, көріп қана қоймай, олардың тағылымын көкейге түйіп өскен кешегі бала, бүгінгі ел ағасына кө­те­рілген еді. Артындағы іні­ле­ріне жақсы аға болып қалыптасуы ағаларына жақсы іні бола білгендігінен шығар деп топшыладық. «Бай болсаң еліңе пайдаң тисін, батыр болсаң дұшпанға найзаң тисін». Осы халық даналығы Құрал ағамыздың негізгі ұстанымдарының бірі еді. Оған мысал ретінде кезінде Оңтүстік Қазақстан облысының халқын бір қыстан аман алып қалуға  сеп болған пәленбай тонна қайтарымсыз көмірді айтуымызға болады.

Құрал Ержанов Қазақ елінің Тәуелсіздігін көзімен көріп қана қоймай, оның іргетасын қаласқан асыл азаматтардың қатарында. Артында қалған төрт ұлы да кәсіппен айналысады. Келіндері, немерелері мен Алтынай есімді жолдасына сабыр тілейміз.