ҚАЗАҚ КИНОСЫНЫҢ ЖАҢА БЕЛЕСІ
21.08.2016
1388
0

786532,0Елзат Ескендірдің «Өліара» («Off-season») қысқаметражды фильмінің тұсаукесер рәсімі Оңтүстік Кореяда Пусан кинофестивалінде өтеді.

Оңтүстік Кореяның Пусан қа­­ласында 6-15 қазан аралы­ғын­­да ХХІ-ші Халықаралық BIFF кинофестивалі өтеді. Busan International Film Festival (BIFF) – Азия киноиндустриясында ғана емес, дүниежүзінде шоқ­­тығы биік  кинобайқау.  BIFF кинофестивалінде отан­дық жас режиссер Елзат Ескен­дір­дің «Өліара» («Off-season») қыс­қаметражды фильмінің пре­мьерасы өтеді және «Wide Angle section: Short Film Com­petition» конкурстық бағдар­ла­ма­сында басты жүлделі орынға таласады.

Кинокартинаның атқарушы продюсері Дәурен Дариябек: «Шы­ғыс мәдениетін әлемге үл­гі етуді мақсат тұтатын ки­но­байқаудың конкурс тізіміне ілі­гудің өзі – үлкен мәртебе. Бұйырт­са, терең психологиялық драмаға құрылған «Өліара» туын­дысы Пусан BIFF кино­фес­тивалінен олжасыз қайт­пай­ды деп үміттенем», – дейді.

«Өліара» фильмінің қоюшы-ре­жиссері Елзат Ескендір – Т.Жүр­генов атындағы Қазақ Ұлт­тық Өнер академиясының түлегі, Ираклий Квирикадзе ше­берханасында тәлім алған жас кинотанушы. Сценарий ав­торлары – Елзат Ескендір жә­не Өміржан Әбдіхалықұлы. Басты рөлдерді белгілі әртістер Асыл­­болат Смағұлов, Баян Қа­жынәбиева, Дулыға Ақмолда жә­не баланың рөлін Мақсат Әбдіра­хман сомдайды.

 

ПІКІР ҚОСУ

Ваш адрес email не будет опубликован.

Пікір