Адамзат пайда болғалы қанша уақыт өтсе, туризмнің пайда болу тарихына да сонша уақыт. Миллиондаған туристер, жас және егде адамдар, жалғыз және топпен әртүрлі қабілеттегі және әртүрлі кәсіппен айналысатын өкілдер жаңа әсерлер іздеп жыл мезгілдерінде саяхаттауды әдетке айналдырған.

Туризм – адамдардың уақытша саяхат жасауы, табиғи немесе мәдени орындарды аралауы. Туризм – адамдардың уақытша басқа жерлерге саяхат жасауы, оларды танып-білуі немесе демалуы. Туризм бірқатар түрлерге бөлінеді, олардың әрқайсысы саяхаттың мақсаттарына, орнына және ерекшеліктеріне байланысты ерекшеленеді.
Саяхаттауды жанына серік еткен жандар үшін туризмнің негізгі түрлерімен таныстыруды жөн көрдік.
Рекреациялық туризм (немесе демалыс туризмі) – негізгі мақсат демалу мен көңіл көтеру (курорттар, жағажайлар, табиғи орындар).
Мәдени туризм – тарихи ескерткіштер мен мәдени орындарға сапарлар (музейлер, театрлар, тарихи қалалар).
Экологиялық туризм (экотуризм) – табиғатты сақтау және табиғи ортаға жақын болу мақсатындағы саяхаттар (ұлттық парктер, табиғи қорықтар).
Іскерлік туризм – іскерлік мақсаттағы сапарлар, конференциялар, семинарлар, бизнес кездесулер.
Спорттық туризм – спорттық іс-шараларға қатысу немесе оларды тамашалау (олимпиада, футбол матчтары, тау шаңғысы).
Денсаулық туризмі – медициналық мақсаттағы саяхаттар (сауықтыру, емдеу курстары, санаторилер).
Экстремалдық туризм – экстрималды спорт және саяхаттар (тауларға шығу, тікұшақпен ұшу, су асты саяхат­тары).
Діни туризм – бұл адамның діни мақсаттармен, әдетте, қасиетті жерлерге, діни рәсімдерге немесе жиындарға қатысу үшін жасайтын саяхаты. Бұл туризм түрі діни сенімдер мен дәстүрлерді тереңірек түсіну мен тәжірибе алу мақсатында ұйымдастырылады.