Белгілі сатирик-жазушы, Қазақстан Жазушылар одағының мүшесі Мұхтар Шерімнің бір топ сатиралық туындысы Америкада жарық көрген антологияға енді.
Дүниежүзі ақын-жазушыларының шығармалары топтастырылған «Still Waters Poetry» атты бұл жинаққа қаламгердің «Ақылды ақымақтар» сатиралық романынан үзінділер мен әзіл-оспақ өлеңдері басылған.
«Жаңалықты естіп, көріп қуанып отырмын. Өйткені қазақ сатирасы тарихында шетел баспасында жарық көрген сатира жоқтың қасы, оның үстіне, Америкада жарық көрген тұңғыш сатиралық роман екен», – дейді жазушы қуанышын бөлісіп.