Мәскеудегі «Художественная литература» баспасынан белгілі мемлекет және қоғам қайраткері, филология ғылымының докторы Сауытбек Абдрахмановтың «Корифей» атты кітабы жарық көрді.

2019 жылы Әбіш Кекілбаевтың 80 жылдық мерейтойына орай жарық көрген «Абыз Әбіш» («Данышпан Әбіш») кітабы қазақ мәдениеттану ғылымындағы елеулі оқиға болды. Жазушы 2020 жылы бірегей туындысы үшін Қазақстан Республикасының әдебиет және өнер саласындағы Абай атындағы Мемлекеттік сыйлығының лауреаты атанды.
Автор жүктелген міндеттердің жоғары жауапкершілігі мен күрделілігін толық түсінеді. Кітаптың бірінші тарауында «Кекілбаевты әлі дұрыс, толық танып үлгерген жоқпыз» деп жазады.
«Тәуелсіздік толғауы» және «Тарих тағылымы» тараулары Кекілбаев үшін халықтың мәдениеті мен тілі мәселелері оның көпғасырлық тарихының тағылымдарымен, шынайы бостандық пен ұлттық егемендікке қол жеткізу болашағымен ажырамас, имманенттік байланысты екенін көрсетеді.
Әбіш Кекілбаев феноменін зерттеуде «Әдебиет әлемі» тарауы ерекше орын алған. Мұнда автор өзін жазушы, ең алдымен, қызығушылық танытатын оқырман, әдебиеттанушы, сыншы, аудармашы ретінде көрсетеді.
Мәскеудің беделді баспасынан «Корифей» кітабының жарық көруімен халқымыздың мақтанышы – классик жазушы, ойшыл Әбіш Кекілбаевтың қайталанбас мұрасын одан әрі насихаттауға жаңа өрістер ашылатынына сенім зор.