ҚР Ұлттық кітапханасында жазушы, драматург, сыншы, өнертанушы, Мемлекеттік сыйлықтың иегері Асқар Сүлейменовті еске алуға арналған әдеби кеш өтті.

Іс-шара аясында жазушының түрік тілінде жарық көрген «Бесатар» романы мен «Парасат падишасы» атты екі томдық естеліктер жинағының тұсауы кесілді.
Әдеби жиынға Қазақстаннан қаламгер қауым, сыншылар, түрік тіліндегі кітаптың аудармашылары Абдулқадыр Өзтүрік пен Қарлығаш Қабай қатысты.
Жиында қаламгердің замандастары мен әріптестері жазушының тұлғалық келбеті мен рухани мұрасы жайлы сыр шертті.