Бүгін Құдыс Қожамияров атындағы республикалық мемлекет­тік академиялық ұйғыр музыкалық комедия театрында Қазақстан халқы ассамблеясының 30 жылдығы аясында әйгілі қаламгер, қоғам және мемлекет қайраткері, Қазақстанның халық жазушысы Зия Сәмәдидің 110 жылдығына орай, әдеби-музыкалық кеш өт­ті.

Аталған кеште театрдың драма актерлары, «Нава» және «Рухсарә» ансамбльдері кәсіби дәрежеде өнер көрсет­ті. Іс-шараға келген құрмет­ті қонақтар, зиялы қауым мен өнер жанашырлары кеш барысында жазушының көркемдік әлеміне бойлап, кейіпкерлердің жан дүниесін сезіне алды.
Сценарий авторы – Гульбахар Насирова, Құрмет орденінің иегері.
Режиссері – Бахитжан Авдунов. «Нава» ансамблінің көркемдік жетекшісі – Ниязжан Турсунов. Бас балет-мейстер – Хажарбуви Халимова.
Сонымен қатар кеш соңында Қазақстан Жазушылар одағының Басқарма төрағасы, Ұлт­тық құрылтай мүшесі, Қазақстанның еңбек сіңірген қайраткері Мереке Әбдешұлы екі халықтың шынайы достығы, Зия Самадидің бірқатар қазақ жазушыларына ұстаз болғаны, Қазақстан мәдениетінде бауырлас ұйғыр әдебиеті мен мәдениетінің алар орны туралы жылы лебізін білдіріп, жазушының қызы Билқиз Самади ханымға құрмет көрсетіп, иығына шапан жапты.