Әмірхан ҚАЛИБЕК,

ҚазХҚжӘТУ журналистика факультеті, 1-курс студенті

 

Қазіргі таңда адамзат табиғатпен тығыз байланыста өмір сүруде. Табиғат – адамның тіршілік көзі, сондықтан оны қорғау, сақтау – біздің басты міндетіміз. Өкінішке қарай, соңғы жылдары экологиялық мәселелер күннен-күнге көбейіп келеді. Ормандар оталып, өзендер мен көлдер ластануда, ауаның сапасы төмендеуде. Мұның бәрі адамның санасыз іс-әрекетінің салдары.

Табиғатты қорғау тек мемлекет пен экологиялық ұйымдардың ғана емес, әр адамның парызы. Әрбір азамат өзінен бастап, қоршаған ортаға қамқор болуға тиіс. Қоқысты жерге тастамай, қайта өңдеуге жіберу, ағаш отырғызу, суды үнемдеу – осындай кішкентай істердің өзі үлкен нәтиже береді. Егер әр адам табиғатқа жанашырлықпен қараса, біздің жеріміз бұрынғыдай көрікті, жасыл және таза болып қала береді.

Мектептер мен жоғары оқу орындарында экологиялық тәрбие беру де маңызды. Балалар мен жастар табиғатты сүюге, жан-жануарларды қорғауға, қоршаған ортаны таза ұстауға үйренуі керек. Себебі болашақ – солардың қолында.

Табиғаттың байлығын сақтау – келешек ұрпақ алдындағы борышымыз. Біз табиғатқа қамқор болсақ, ол да бізге мейірімін төгеді. Таза ауа, мөлдір су, жасыл орман – адам өмірінің негізгі тірегі. Сондықтан табиғатты аялау – өз өмірімізді аялау деген сөз.