Ақын әрі жазушы, Қазақстан Жазушылар одағының мүшесі, мәдениет қайраткері Сәуле Досжанованың  «Күншуағым менің» атты әдеби-танымдық жиын Қазақ мемлекеттік қыздар педагогикалық университетінде өтті.

Басқосуда  жазушы Сәуле Досжанованың өмірі  жайлы бейнематериал көрсетілді.

Университет басшысы Д.Нөкетаева:   «Ақын­дық пен жазушылық сынды шы­ғар­машылықтың қос қырының тізгінін тең ұстаумен қатар,  отбасы ұйытқысы  бола білуіңіздің өзі зор мәртебе. Оған қоса, Қазақс­тан Республикасының «Құрмет» және «Парасат» ордендерінің иегері Дүкен­бай Досжанов шаңырағының шырақшысы болып отыруыңыз – екінің бірінің маңдайы­на қона бермейтін бақ. Қазіргі таңда алты баланың аяулы анасы, сегіз немеренің сүй­ік­ті әжесі болдыңыз», – деді. Сонымен қа­тар, ректор қазақтың қаламгер қызы Сәуле Мағазбекқызының кеудесіне уни­верси­тет­тің «Ұлағат» алтын медалін тағып, арқасына камзол жауып әрі киелі шаңырақтың қыз­дары тоқыған орамалды сыйға тартты.

Қазақ филологиясы және әлем тілдері факультеті «Қазақ  тілі мен әдебиеті»  маман­­­ды­­ғының 4 курс студенттері ақын шығар­маларынан композиция әзірлеп, жазушыға арнаған төл туындыларын оқыды.

Студенттермен жүздесу барысында  С.Мағаз­бекқызы өз жауһар жырларын оқып берді.

Қыздар университетінің  «Тұлғатану» бағдарламасы аясында жүздесуге келген қазақтың қаламгер қызы Сәуле Досжанованы сағынған оқырмандары, яғни ғылыми-педагогикалық қызметкерлер мен білім алушы студенттер естелік-фотоға түсіп, ав­тограф алды.