2025 жылдың 28 ақпанында Астана қаласында Халықаралық «Қазақ тілі» қоғамының VIII құрылтайы өтті. Ауқымды жиынға мемлекет және қоғам қайраткерлері, зиялы қауым өкілдері, тіл жанашырлары мен аймақ делегаттары қатысты.
Құрылтай жұмысына Қазақстан Жазушылар одағының Басқарма төрағасы Мереке Құлкенов қатысып, қазақ тілінің қолданыс аясын кеңейту, әдебиеттің тіл дамытудағы рөлі мен жас қаламгерлерге қолдау көрсету мәселелеріне тоқталды.
Шара барысында қазақ тілін білім беру жүйесінде, IT саласында және заманауи технологияларда кеңінен қолдану бағытында атқарылған жұмыстар таныстырылды. Сонымен қатар Qazaq Tili Endowment қорының құрылуы, Disney және Sony студияларының фильмдерін қазақ тіліне аудару, қазақ тілін үйретуге арналған QazaqLingo мобильді қосымшасын әзірлеу секілді жобалар жайлы ақпарат берілді.
Құрылтай қорытындысы бойынша 2025 жылға арналған іс-қимыл жоспары бекітіліп, қазақ тілінің қолданыс аясын кеңейтуге бағытталған жаңа міндеттер айқындалды.
Қазақстан Жазушылар одағының
баспасөз қызметі
Тіл саясаты комитетінің басына Ербол Тілешов деген жемқорды қойыпты. Ол жемқор да бірдеме дейтін болыпты. Ол «Тіл мәселесі эволюциялық жолмен шешілуі тиіс» дейтін болыпты.
"Қазақ әдебиеті" — Қазақстан Республикасының әдебиет, мәдениет және өнер газеті. Әр апта сайын, жұма күні шығады.
Газет 1934 жылдың 10 қаңтарынан бастап шыға бастады. «Қазақ әдебиеті» газеті — Қазақстан жазушылар одағының органы ретінде тұңғыш саны 1934 жылдың қаңтарында жарық көрген.
«Қазақ әдебиеті» - газетінің тарихы
Студия «Team28»