Алматыдағы Алатау ауданы жұртшылығы «Халық» саябағында бірлік күні мерекесін тамашалады. Шараға ауданның білім, ден­сау­лық сақтау сала қызметкерлері және аудандық ардагерлер ұжымы, тағы басқалар қатысты.

Аудан әкімдігі ап­паратының ұйым­дас­тыр­уымен алаңда мем­лекет­тік қыз­мет­кер­лер ара­сында спорт ойын түрлері – Футбол мен волейболдан сайыс өт­кі­зіліп, бі­рінші орын­ды прокуратура командасы, екінші орынды Алатау аудан­дық ХҚК орталығы­ның ұжы­мы жеңіп алды. Ал үшінші орынды ішкі істер бас­қар­масы қыз­мет­кер­лері иеленді.

Аудан әкімі Бағдат Мәнізоров халыққа жы­лы лебізін білдіре тұрып: «Мемлеке­ті­міз­де бірнеше ұлттар мен ұлыстар өмір сүре­ді. Соған қарамастан тату әрі сыйлас­ты­ғымыз бен достығымыз жарасқан елміз. Сырт көз­дің арандату­шылы­ғынан ада болсақ, алынбайтын қамал болмайды», – деді.

Иә, бірлігіміз артып, татулығымыз жараса берсін дей­міз.