«ТӘУЕЛСІЗДІК. КЕЛІСІМ. БОЛАШАҒЫ БІРТҰТАС ҰЛТ»
29.04.2016
1721
0

38f15565063b4bc69691b43161dc497d26 сәуірде, Астанада, Бейбітшілік және келісім сарайында Қазақстан Республикасының Президенті, Қазақстан халқы Ассамблеясының Төрағасы Нұрсұлтан Әбішұлы Назарбаевтың төрағалығымен Қазақстан халқы Ассамблеясының «Тәуелсіздік. Келісім. Болашағы біртұтас ұлт» атты XXIV кезекті сессиясы өтті.

Сессия жұмысына мың жарымнан аса де­легат қатысты. Олардың қатарында Қа­зақстан халқы Ассамблеясының барлық өңірлерден келген ардагерлері, респуб­ли­калық және өңірлік этномәдени бірлес­тік­тердің төрағалары, Қазақстан Респуб­ли­касы Парламентінің депутаттары, ор­талық атқарушы органдардың, саяси пар­тиялардың, діни бірлестіктердің, үкіметтік емес ұйымдардың, жоғары оқу орындарының ректорлары, шет елдердің дипломатиялық миссиялары, ғылыми, шығармашылық зиялы қауым және БАҚ өкілдері қатысты.
Сессияда қазақстандық өнер, ғылым қайраткерлері, шетелдік қонақтар, өңір­лер­­ден келген делегаттар, спортшылар, жұмысшы мамандықтарының, бюджеттік және жастар ұйымдарының, аза­маттық қоғамның өкілдері және басқалар сөз сөйледі.
Сессия барысында Мемлекет басшысы ҚХА Кеңесінің мүшесі, «Беларусь мәдени орталығы» қоғамдық бірлестігінің төрағасы Питаленко Леонид Николаевичті және ҚХА Кеңесінің мүшесі, Қазақстан өзбектері қоғамдық бірлестіктері «Дустлик» қауымдастығының құрметті төрағасы Халмурадов Розақұл Сатыбалдыұлын этномәдени бірлестіктерден Ассамблея Төрағасының орынбасары етіп тағайындау туралы өкімге қол қойды.
Ассамблеяның XXIV сессиясының қорытындысы бойынша «Мәңгілік Ел» жалпыұлттық патриоттық актісі жария етілді.
Сессия жұмысы туралы ҚХА-ның өңірдегі филиалдары өкілдерінің ой-пікірін білгіміз келіп, Қарағанды облысына хабарласқан едік…


IMGP4350hh - копияТварионас Виталий Ионо,
Литва Республикасының Қазақстандағы құрметті елшісі, ҚХА мүшесі,
Қарағанды қаласындағы «Литуаника» Қоғамдық ұйымының төрағасы

КЕЛЕЛІ МӘСЕЛЕЛЕР
ҚОЗҒАЛҒАН ЖИЫН

Елбасы Нұрсұлтан Әбішұлы Назарбаевтың Қазақстан халқы Ассамблеясының кезекті XXIV сессиясында сөйлеген сөзін үлкен ыж­да­хаттылықпен және қызығушылықпен тыңдадым. Сессия барысында «Мәң­гілік Ел» жалпыұлттық идеясын өр­кендетудің жаңа сатылары туралы, бі­лім мен экономика салаларының да­муына қатысты мәселелер, бизнес-құрылымдардың мемлекетпен тығыз қарым-қатынас орнатуы жайында ке­лелі әңгімелер айтылды.
Елбасы, сондай-ақ, мемлекет қыз­метін қарқынды түрде жүргізуге ба­ғытталған, жаңа қабылданып отырған немесе өзгертулер мен толықтырулар енгізілген заңдарға өте мұқият болу керегін де атап өтті. Сессия қатысу­шы­ларына арнаған сөзінде Нұрсұлтан Әбішұлы білім саласында жүріп жатқан реформалар туралы да кеңінен сөз қозғады. Бұл, ең алдымен білім алу үдерісі барысында балаларға жүктелер артық міндеттерден арылтып, білім алуды барынша ыңғайлы және пайдалы қылудың бір амалы екенін тү­сін­дірді. Жоғары сынып оқушылары ал­ғашқы кәсіби білімді игеріп шық­қаны өте маңызды. Кәсіби еңбек әуел­ден бастапқы орында тұруы керек қой.
Біздің қоғамның ең басты құн­дылығы – халықтар бірлігі, біздің ел­дің әр азаматының отансүйгіштік сезімінің жоғары болуы дер едім. Және біз, Қазақстан халқы Елбасы Н.Ә.Назарбаев ұсынған бағдарламаны қолдайтынымызды айтқым келеді. Бізге артылар бұл міндетті орындау қол­дан келеріне сенімдімін.

ПІКІР ҚОСУ