Абай облысында ТжКББ ұйымдары студент­терінің арасында «Бітібаева оқулары» облыстық олимпиадасы ұйымдастырылды. Олимпиадаға 14 колледжден 22 студент қатысты.

Облыстық олимпиада 2 кезеңнен тұрды. Үміткерлер бірінші кезеңде ұсынылған тақырыптар бойынша эссе жазса, екінші кезеңде билет­терге ауызша жауап берді. Сұрақтар М.О.Әуезовтің өмірі мен шығармашылығына және ұлағат­ты ұстаз Қанипа Бітібаеваның өмірі мен қызмет­тік жолына байланысты болды. Олимпиада қорытындысы бойынша: І Дәрежелі дипломмен – Дильназ Қайратқызы (М.О.Әуезов атындағы педагогикалық колледжі КМҚК); ІІ Дәрежелі дипломмен – Азиза Нұрланқызы (Бизнес және сервис колледжі КМҚК); Айша Сұңғатқызы (М.О.Әуезов атындағы педагогикалық колледжі) КМҚК; ІІІ Дәрежелі дипломмен – Дина Сәбитқызы (Р.Байсейітов атындағы Семей қаржы-экономикалық колледжі КМҚК); Сүлейменов Жалғас (Геологиялық барлау колледжі КМҚК); Райхан Мұнтаз («Қайнар» жоғары колледжі) марапатталды. Жеңімпаз студент республикалық «Бітібаева оқулары» олимпиадасына жолдама алды.

А.Мусанова