Қарлығаш ұя салған білім ордасына 1 жыл
27.11.2023
384
21

2022 жыл – қазақша жыл санауы бойынша Барыс жылы. Мемлекет басшысы Барыс жылын «Балалар жылы» деп жариялады. Президент «Өскелең ұрпақтың дамуы мен бақытты балалық шақ – бұл біздің жалпыұлттық міндетіміз» деп атап өтті.

Болмысы Барыс бейнелі қазақтың келешегіне тұтқа болатын бүгінгі ұрпақтың білімді, парасатты болып өсуін мақсат тұтқан осы айтулы жыл — біз үшін ерекше жыл болды. Қазақтың бас қаласы – Алматыда  заман талабына сай келетін, көрсе көз тоятын керемет ғимараттар – мектептер салынды. Солардың бірі Алатау ауданы, Ботакөз-2 ықшамауданында бой көтерді. Мектеп шатырын жауып жатқанда, құрылысшылар керемет көріністің куәсі болды. Мектеп босағасына қос қарлығаш ұя салған екен. Дана халқымыз қарлығашты мейірім мен берекенің символы деп санайтыны ертеден белгілі. Тынбай ұшып, балапандарына күніне 300 рет тамақ таситын, басқа құстар сияқты бұтаққа қонып отыруға уақыты жоқ еңбекқор құстың  ішетін суының өзін ұшып бара жатып, тұмсығымен іліп алып ішетін қасиеті ғылымда дәлелденген. Атақты Төле биді «Қарлығаш әулие» атандырған киелі құстың ұясын бұзбай, балапан ашып, балапанының қанаты қатайып ұшып кеткенше күткен құрылысшылар осы көріністі жақсы ырымға балап, мектептің ерекше білім ордасы болатынына сенім артқандай.

Қос қарлығаш балапандарын баптап, қанатын қатайтып, жылы мекенге ұшып кеткен соң, №209 мектеп-гимназия өз шәкірттеріне айқара есік ашты. 2022 жылдың 25 қараша күні сыңғырлаған қоңырау үні бірінші сабақтың басталғанын білдірді. Мектептің ашылу тарихының алғашқы бетін ашқан күн–жаңадан ашылған білім ордасына шәкірт болып қабылданған әрбір бала үшін ерекше қуанышты күн, ұл-қызының жаңа мектеп қабырғасында білім алатынына қуанған ата-ана үшін ерекше тебіреніске толы күн, жаңа мектепке мұғалім болып қабылданған мұғалімдер үшін әр шәкірттің жанын білім нәрімен нұрландыруына жасаған алғашқы қадамның салмағын сезінген күн болды.

Ұлт ұстазы Ахмет Байтұрсынов: «Мектептің жаны – мұғалім. Мұғалім қандай болса, мектеп сондай болмақшы. Яғни, мұғалім білімді болса, ол мектептен балалар көбірек білім алып шықпақшы»-деген екен. Ендеше, қарлығыш ұя салған білім ордасында жұмыс жасайтын мұғалім жаңа технологияны жетік меңгерген ізденімпаз, қарлығаш құстай тынымсыз еңбек иесі, алдына келген әрбір шәкірттің жүрегіне ізгіліктің нұрын себетін мейірімнің үлгісі болғаны абзал. Ұрпағынан даналық күтетін халық ұстазынан даналықты талап етеді.

Ұрпағымен көтерілер шоқтығы,

Қазағымның қам ойламас жоқ күні.

Ортадағы Ұстаз – бейне бағбан,

Қаумалаған шәкірттері шоқ гүлі.

Көкірегінде жоқ көлеңке, күйесі,

Баланың да болады өз киесі.

Осылар ғой ертеңімнің егесі,

Елдің, жердің, тілдің, ділдің иесі.

Олай болса, ойлан, Ұстаз, көші ұлық,

Көпшілікпен іс қылайық қосылып.

Дәріскері дана болмаған халықтың,

Шәкірттері кемел болмас. Осыны ұқ!

Мектеп босағасынан аттаған әрбір баланы қанатымен су сепкен қарлығаштай бауырына басып, білім нәрімен сусындатып, мейіріммен мәпелеп, жаңа ортаны жатсынбай, тез үйреніп кетуіне жағдай жасап, мектеп ұжымы бір үйдің баласындай, бір қолдың саласындай еңбек етіп келеді. Шынында, мектепте өткен уақыт — адам өміріндегі шаттыққа толы кездер. Шығармашылық ізденіске толы күндердің жемісі — шәкірттерімізді баптап бейгеге қосқанымыз, ұстаздарды аламанға қосып, жүлделі орындарға ие болған қуаныштарымыз. Үміттеріміз бен сенімдерімізді үкілеп, армандар мен мақсаттар жетегінде жүріп, №209 мектеп-гимназия  бірінші оқу жылын абыроймен аяқтады.

                                                          

Алматы қаласы Алатау ауданы  209 мектеп-гимназиясы

Директордың оқу ісі жөніндегі орынбасары

Сарсенбекова Жанар Абытқызы   

ПІКІРЛЕР21
Аноним 28.11.2023 | 12:28

Тамаша! Мектебіміз жарқырай берсін!

Аноним 28.11.2023 | 12:31

Еңсесі биік білім ордасына айналсын мектебіміз!

Аноним 28.11.2023 | 12:38

Қарлығаштай еңбекқор,адал шәкірттер білім ұясынан ұша берсін!

Аноним 28.11.2023 | 12:40

Жарайсың, Жанар!

Аноним 28.11.2023 | 12:41

Жарайсың, Жанар! Жақсы жаңалықтардың жаршысы бола бер.

Аноним 28.11.2023 | 12:43

Керемет! Білімді шәкірттер көп болсын

Аноним 28.11.2023 | 12:47

Жанар Абытовна еңбегіңіздің жемісін және жеңісін көріңіз!

Аноним 28.11.2023 | 13:02

Керемет! Мектебіміздің абыройы асқақтай берсін!!!

Аноним 28.11.2023 | 13:44

Жанар Абытовна, еңбегіңіздің жемісін көріңіз!

Аноним 28.11.2023 | 14:32

Жанар еңбегің жанып, сол қарлығаштай шәкірттерің елдің дамуына үлес қосып ,биік шыңдардың бағындыра берсін . Білімді шәкірттерді ұясынан ұшыра беріңіздер, құрметке ие ұстаздар 🙏💐

Аноним 28.11.2023 | 14:36

Керемет,мектебиміздің мәртебесі өсе берсін,Бибигуль Айтпаевна,Жанар Абытовна,Жанар Шалкаровна,Алтынбу Мешитбаевна оқу ісі жөніндегі ардақты да,білікті устаздарымыздың еңбеги жоғары бииктерден көріне берсін,жақсының жақсылығын айт нұры тасысын деген!!!Еңбектеріңіздің жемісін көріңіздер!!!

Аноним 28.11.2023 | 14:42

Керемет,мектептеріңіз дами берсін,оқушыларыңыздың зейіні ашыла берсін!

Аноним 28.11.2023 | 14:47

Керемет

Аноним 28.11.2023 | 14:48

Мектебіміз тек биіктерден көрінсін

Аноним 28.11.2023 | 15:08

Жарқыра жайна жас мектебім

Аноним 28.11.2023 | 15:21

Керемет мақала! Мектептің абыройы арта берсін!

Аноним 28.11.2023 | 15:45

Керемет Жанар апай!!! Мектебіміздің мәртебесе биіктей берсін!!!

Аноним 28.11.2023 | 15:52

Керемет, алтын ұя мектептің білімді де білікті шәкірттері көп болсын, елі мен жерін сүйетін, өз ұлты мен тілін құрметтейтін ұрпақтар жасасын, озық ойлы, ұлағатты Ұстаздардың тәрбие мен білім беруде қанаты талмасын

Аноним 28.11.2023 | 22:19

Өте керемет! Өзіңіз секілді ұстаздар көп болғай.

Аноним 29.11.2023 | 10:13

Тамаша!!! Өскелең ұрпақтың болашағы жарқын болсын! Еңбектеріңіз жана берсін!!!🌹🌹🌹

Аноним 29.11.2023 | 15:45

Мектеп қашанда қасиетті мекен. Абыройымыз артып мерейіміз үстем болсын. Рахмет, Жанар Абытовна

ПІКІР ҚОСУ

Ваш адрес email не будет опубликован.

Пікір