Алматы технология және флористика колледжінде «Мұқағали – мәңгілік ғұмыр» атты байқау өтті. Колледждер арасында өткен қалалық байқауға қырыққа жуық студент қатысты. Студенттерге қойылған талап – Мұқағалидың өлеңдерін мәнерлеп оқу, ақын өлеңдеріне жазылған әндерді орындау.

Байқауды Алматы технология және флористика колледжінің директоры Айт­бек Сәрсенғалиев ашты.  Алматы қалалық колледждер  қауымдастығының  президенті Азисханов  Жантілеу қонақ болып, өз сө­зін­де  ұйымдастырушыларға алғыс айтты.

Мұқағали Мақатаев атындағы Ха­лы­қ­аралық қоғамдық қордың прези­ден­ті, ақынның келіні Бақытгүл Айдарова бастаған қазылар алқасының шешімі бойынша көркем сөз оқу номинациясы бойынша бірінші орынды АСжДК студенті Махаббат Мұңайт­басова, ән номинациясы бойынша АПК студенті Жандос Аманбай жеңіп алды. Рахима Сыдықова, Нұрбол Дүйсенбаев, Шахизат Нұржұма, Жанна Қасым атты студе­н­т­тер жүлделі орындарды иемденді. Өзге де қатысушылар бағалы сыйлықтар және алғыс хаттармен марапатталды.