ҚАЙРАН ТЕҢГЕ!
12.02.2016
813
0

1450172132_money1_etoday.kzТәуелсіздік белгісі қайран теңге!

Тағы түстің талқыға, талау, жемге.

Ел теңгесін «құлатып» тақтарында,

Мұрт пен «таздар» билікте отыр неге?

 

Бар сенген «Қара алтыным» – мұнайым-ай,

Сенің де құның түсті-ау, құдайым-ай!..

Гривень, авган, рубль, сомнан төмен,

Теңгенің осыншама «құлауын-ай!».

 

Теңгенің құны бүгін тиын болды,

Халыққа қымбатшылық қиын болды.

Байға бай бума-бума ақша тасып,

Жоғарыда «керемет» жиын болды!

Теңгенің құны бүгін «бақыр» болды.

Саудагердің орны да «тақыр» болды.

Азық-түлік шет елден жеп жүрсек те,

Орден алып Жемқорбек – «батыр» болды!

 

Теңгенің құны бүгін жезбенен тең,

Жұмыссыздар көбейді, «кезбемен» тең.

Ақынның «жан айғайын» естімесең,

«Ит үрді, керуен көшті» – сөзбенен тең!

 

Табылар бір амалы бұл бағаға,

Күн туар «қол жететін, бір жағаға!».

Сан мәрте тығырықтан алып шыққан,

Соңғы үміт – Елбасымыз Нұр-ағада!

 

ПІКІР ҚОСУ