Алла Тағала пендесіне «Жаратуын жараттым, жаралуың өзіңнен» дегенді бұрынғылардың аузынан естуші ек. Зады адам баласы жаралуының сыры ата-ананың берген тәрбиесі мен өскен орта қалыптастырған түсінігінде жатса керек. Өскен ортаның пәрмені ата-ананың үлгісінен үстем боп кеткен бүгінгі күні жақсы мен жаманның арасын қай тұста, қалай ажырататынды аңғара алмай дал болатынымыз бар. «Кімде-кім жаман болса, замандастарының бәрі виноват». Абайдың «жаман болса» дегенін «жаманның жаман екенін білмей қалса» деп өзгертсек, «виноваттан» ешкім аман қалмайтындай көрінеді…