«Электронды темекіге оқушылар да әуестеніп барады»
11.11.2022
196
0

Президент Қасым-Жомарт Тоқаев Атырау облысына барған сапарында жастар мен жасөспірімдердің тәрбиесі мен денсаулығына айрықша көңіл бөлу қажет­тігін айт­ты. Қоғамды дендеп бара жатқан сол дерт­тің бірі – электронды темекі мен алкоголь өнімдерін тұтынатын жастардың мәселесіне тоқталды. Бұл туралы Президент­тің баспасөз қызметі хабарлады.
«Қазір ересектердің ермегіне айналған электронды темекіге оқушылар да әуестеніп барады. Мұндай темекіні балалар дүкеннен еш кедергісіз сатып алады. Бұл – қауіпті жағдай.
Бізде алкоголь өнімдерін 21 жасқа толмаған азамат­тарға сатуға тыйым салынған. Бірақ бұл талап іс жүзінде орындала бермейді. Құзырлы органдар бақылауды күшейтуі керек.
Қоғамда энергетикалық сусындарды жастарға сатуға тыйым салу қажет­тігі жиі айтылады. Үкімет бұл мәселені мұқият зерделеп, нақты шешім қабылдауы керек.
Мұхтар Әуезовтің «Ел боламын десең, бесігіңді түзе» деген сөзі бар. Біз ұрпақтың денсаулығын және тәрбиесін бүгін ойламасақ, ертең кеш болуы мүмкін», – деді Президент.

ПІКІР ҚОСУ

Ваш адрес email не будет опубликован.

Пікір