Қасым-Жомарт Тоқаев: Әкем қазақ тілі мен әдебиетіне ерекше құмар еді
02.05.2020
1528
2

Президент Қасым-Жомарт Тоқаев «Мир» арнасына берген сұхбатында Екінші дүниежүзілік соғысқа қатысқан әкесі туралы да естелік айтты, деп хабарлайды ҚазАқпарат тілшісі.

«Әкемнің бала кезінен тағдыры қиын болды. Ерте жетім қалды. Балалар үйінде, содан кейін интернатта тәрбиеленді. Көп уақыт өтпей соғыс басталды. Соғыс ол үшін тағы да батылдық пен төзімділіктің сынағы болды. Ол соғыста көп қиындықты басынан өткерді, оның үрейлі сынағынан өтті. Қорқыныш пен қайғы-қасіретті жеңе білді. Әйтсе де әкем басқа майдангерлер сияқты соғыс туралы, әсіресе өзінің ерлігі мен марапаттары туралы айтуды ұнатпайтын. Өзінің сезімі, жаумен алғаш бетпе-бет келуі, жауынгерлердің ерлігі, батырлығы және Жеңіспен үйге оралуы жайлы өзінің «Солдат соғысқа кетті» атты өмірбаяндық кітабында айтып берді», – деп еске алды әкесін Қасым-Жомарт Тоқаев.

Мемлекет башсысы әкесінің бала кезінен білімге құштар адам болғанына тоқталды.

«Әсіресе, қазақ тілі мен әдебиетіне ерекше құмар еді. Соғыстан кейін ол әскери форма киген күйі балдақпен келіп, Алматыдағы Қазақ мемлекеттік университетінің филология факультетінің бірінші курсына түседі. Содан кейін журналист болып қызметке орналасады. Жазушылыққа біржола ден қойды, жылдар өткеннен кейін лайықты марапат пен атаққа ие болды.

Ол – қазақ әдебиетінде детектив жанрының негізін қалаған қаламгер. Мен жақында әкемнің 1945 жылдың ақпан-маусым айларында ауыр жарақат алғаннан кейін емделген Омбыдағы соғыс ардагерлері ауруханасының қасбетіне әкеме арналған ескерткіш тақта орнатылғаны туралы білдім. Мен әкемді және жалпы соғыс ардагерлерін еске алып, ұмытпай жүрген Омбы облысы мен қала басшылығына ризамын», – деді Мемлекет басшысы.

 

ПІКІРЛЕР2
Аноним 02.05.2020 | 14:45

Бардың бағасын,жоқтың қадірін білетін отбасында өскен азамат қой.

Аноним 05.05.2020 | 23:43

жасамын қасекең

ПІКІР ҚОСУ

Ваш адрес email не будет опубликован.

Пікір