«Біздің дәуір»
24.10.2015
2042
0
Афиша
nasha_epokha_6Ә.Қастеев атындағы Мемлекеттік Өнер музейінде ашылған бұл көрме Қазақстандағы жас суретшілердің шығармашылығымен таныстырады. Киіз басу, тоқыма, кесте, ши өру, қыш, батик, флористика және зергерлік өнер сияқты техникаларда орындалған бұл өнер түрі аса төзімділікті, зейінділікті және жоғары орындаушылық шеберлікті талап етеді. Көптеген жас суретшілер өздерінің шығармашылық жұмыстарында дәстүрлер сабақтастығын сақтай отырып, қазақ халқының сан ғасырлық тарихы мен өзіндік мәдениетіне жүгінеді.

Қазіргі таңда киіз басу өнері әлем бойынша үлкен сұранысқа ие болып барады. Қол­дан­балы өнердің бұл түрі тамырын тереңнен ала­ды. Киіздің көлемді фор­маларға эксперимент жасап көруге болатын кең декоративтік мүмкіндігі бар.
Қазақстанның қазіргі замандағы қол­дан­балы өнерінде гобеленнің алатын орны ерек­ше. Гобеленнің отаны – Франция бол­ға­нымен, қазақ ісмерлері үшін тоқыма өмір­лік кәсіп болды. То­қыма тех­ни­касының көпшілігін меңгерген олар тоқыма бұйым­дарының тұрмысқа қажетті 20-дан аса түрін жасады. Жатық қол тоқыманың тех­­нологиясы негізінде жақсы дамыған го­белен заманауи өнерге оңай сіңісіп кетті.

Афиша
Көрмеде Г.Оңғарова, Г.Жораева, А.Ораз­­баева, Г.Жұбаниязова, Ж.Табылдиева, А.Қуантаева, К.Жылыбаева, Б.Досжанов, Н.Баженова және тағы басқа суретшілердің киіз паннолары мен гобелендерімен танысасыз.
Өткен ғасырларда тұрмыстық бұйым­дар­ды, түскиіздер мен киімдерді әрлеуде халықтық кесте өнері үлкен қызмет ат­қар­ды. Бүгінде де кестенің дәстүрлі те­хни­ка­лары жоғары көркемдік бұйым­дарды жа­сауда қолданылады. Б.­Зей­­нел­хан дәстүрлі қазақ техникасында, біз кестемен орындал­ған декоративтік панносын ұсынып отыр.

539138_178375188_nasha_epokha_1Экспозицияда Б.Құсайынова мен И.Өз­­бе­кованың қыштан жасалған бұйым­дар да орын алған. Кез келген қалыпқа оңай көнетін, иленген, жұмсақ саз бал­шық адамзат тарихында адаммен бірге жасасып келеді. Қыш осы күндері өзінің өзек­тілігін жо­­ғалтпай, заманауи қолдан­балы өнердің қы­­зықты да өзгеше түріне айнала бастады.
Қазақ зергерлерінің озық шеберлігі за­­­манауи зергерлік өнердің дамуының ір­ге­тасы болды. Ежелгі мифология мен өнер та­­қы­рыбын интерпретациялау әрі қалып­тас­­қан халықтың төл стилін жал­ғас­тыру – зер­герлік өнердегі басты көр­кем­дік бағыт­тар. Б.Атыраубаев, Н.­Әл­иас­қаров, Б.Мол­баев әйелдер әшекейінің тамаша үлгі­лерін жасады.
Суретшілердің әрбір буыны өнерге қай­таланбас әйтеуір бір жеке үлесін қоса­ды. Тәуелсіздіктің 20 жылында Қазақ­с­тан өнері ұрпақтардың үзілмес бай­ла­нысы мен өзінің бо­лашаққа терезе­сінің ашық екенін көр­се­тіп, өз дамуының жаңа арнасына нық қадам бас­ты. Сөйтіп, зор шығармашылық әлеуетін, жаңа ізденістері және жаңа ашылымдарын жария етті.
Заманауи қолданбалы өнердің көп­қыр­лы палитрасы біздің заманымызға, біздің дәуі­рімізге серпін береді. Жас су­рет­шілер­дің туындылары Қазақстан және шет ел мұра­жайлары мен жеке галереяларында лайықты орын алған.
Жас өнерпаздардың көрмесі 22 қыр­күйек­ке дейін жалғаспақ.

ПІКІР ҚОСУ