Ақын аты ұлықталды
02.10.2018
291
0

26 қыркүйек күні Қазақстан Жазушылар одағының «Әдебиетшілер үйінде» ақын Қабдыкәрім Ыдырысовтың туғанына 90 жыл толуына арналған мерейтойлық еске алу кеші өтті.

Алғашқы сөз кезегін алған Қазақ­стан Жазушылар одағының Басқарма тө­рағасы Ұлықбек Есдәулет: «Қаб­ды­кәрім ағамыздың өрлеуіне, өсуіне бойын­дағы алапат таланты, тілге шешендігі, адамгершілік болмысы се­­беп болды. Батырлар жырын жатқа ай­тып, домбыра тартып, жұртты таң­дандырып жүретін талант еді», – деп еске алып, ақынның артында қалған тұяғы – Бағлан Қабдыкәрімұлының иығына ша­пан жапты.
Ақынның замандасы, сықақшы Мың­бай Рәш бірге жүрген қи­мас күндерінен қызықты естеліктер айтып, сағынышты сырларын ортаға салды.
Бұдан соң қаламгердің адами қа­сиеттері мен қазақ әдебиетіне сіңірген еңбегі туралы ізбасарлары Исраил Сапарбай, Сұл­танәлі Балғабаев, Жұмат Тілеповтер тағылымды әңгіме қозғады. Кешке ақын ұрпақтары қа­тысып, әкелері жайлы естеліктер айтты.
Қазақ еліне кең тараған ақын­ның сөзіне жазылған әндерді Қа­зақстанның Халық артисі Нұрғали Нүсіпжанов, Қазақстанның еңбек сіңірген мәдениет қайраткері Меруерт Түсіпбаева және т.б. әнші­лер орындады. Естеріңізге сала кетейік, Қабдыкәрім Ыдырысов – Әбілахат Есбаевтың әйгілі «Достар-достар, жүрсің қайда?» әнінің мәтінін жазған ақын.
Небәрі елу жыл ғана ғұмыр ке­шіп, артына өшпес мұра қалдырған ақын тойы туған же­рін­де жалғасын табары сөзсіз.

ПІКІР ҚОСУ

Ваш e-mail не будет опубликован.

Пікір